Aşgabatda «Türkmenistanyň geljegine maýa goýumlar» atly halkara forum geçirildi
12:53 19.03.2026 214
18-nji martda Söwda-senagat edarasynda «Türkmenistanyň geljegine maýa goýumlar» atly hususy pudaga maýa goýumlary çekmek boýunça halkara forum geçirildi.
Maslahat işewürler jemgyýetçiliginiň, halkara maýadarlarynyň we döwlet edaralarynyň wekillerini jemläp, netijeli gepleşikler hem-de amaly çözgütleri işläp düzmek üçin amatly şertleri döretdi. Forumyň maksatnamasynyň esasy ugurlarynyň biri — hyzmatdaşlar we degişli döwlet düzümleri bilen göni gatnaşygy üpjün edýän maksatly duşuşyklardyr.
IFT 2026 forumy Türkmenistanyň Senagatçylar we telekeçiler birleşmesiniň döredilmeginiň 18 ýyllygyna bagyşlanan halkara sergi bilen bilelikde geçirilýär. Bu bolsa işewürlik gatnaşyklaryny has-da giňeltmäge we bazara çykmak üçin goşmaça mümkinçilikleri açmaga ýardam edýär.
Eýýäm ikinji gezek geçirilýän IFT forumy anyk netijelere gönükdirilen abraýly meýdança hökmünde özüni tanatdy. 2025-nji ýylda geçirilen ilkinji forum ýurdumyzyň maýa goýum mümkinçiliklerini aýdyň görkezdi. Şonda 25 ýurtdan 500-den gowrak wekil gatnaşypdy. Gepleşikleriň we duşuşyklaryň netijesinde 21 sany çarçuwaly ylalaşyga gol çekilmegi çäräniň amaly formatynyň netijeliligini tassyklady.
Birinji forumyň oňyn netijelerine daýanyp, IFT 2026-nyň guramaçylary öz öňlerinde has uly wezipeleri goýýarlar: has giň halkara gatnaşyjylary çekmek, işewürlik we maýa goýum maksatnamasyny giňeltmek hem-de has köp sanly hyzmatdaşlyk we maýa goýum ylalaşyklarynyň baglaşylmagyny üpjün etmek.
Maýadarlar we kompaniýalar üçin bu foruma gatnaşmak hereket edýän kanunçylyk we institusional gurşaw bilen tanyşmaga; ynamdar hyzmatdaşlary tapmaga; bilelikdäki kärhanalary döretmäge; Türkmenistanda maýa goýum taslamalaryny durmuşa geçirmek üçin zerur bolan ähli amaly gurallary almaga mümkinçilik berýär.
IFT 2026 forumynyň hususy sektoryň we umuman ýurduň milli ykdysadyýetiniň durnukly ösüşine saldamly goşant goşmagyna garaşylýar.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.