Seýdiniň nebiti gaýtadan işleýän zawody 2026-njy ýylyň başyndan bäri önümçiligiň depginli ösüşini üpjün etdi
11:44 01.04.2026 240
Seýdiniň nebiti gaýtadan işleýän zawodynyň işiniň netijeliliginiň aýdyň subutnamasy hökmünde 2026-njy ýylyň başyndan bäri gazanylan görkezijileri görkezmek bolar. Kärhanada 96,8 müň tonna nebit gaýtadan işlenip, dürli kysymly benzinleriň 44,1 müň tonnasy öndürildi. Geçen ýylyň degişli döwri bilen deňeşdirilende, bu gymmatly ýangyjyň önümçilik ösüş depgini 102,1 % boldy, bu bolsa iş guramaçylygynyň takykdygyndan habar berýär.
Beýleki ugurlarda hem ýokary netijeler hasaba alyndy: dizel ýangyjy - 24 müň tonna (ösüş — 105 %); suwuklandyrylan uglewodorod gazy - 15,9 müň tonna.
Bellemeli zat, suwuklandyrylan uglewodorod gazynyň önümçilik göwrümi 11,5 müň tonna artyp, geçen ýylyň degişli döwründäki görkezijiden 2,6 esse ýokarlandy. Şeýle hem, ýylyň başyndan bäri zawodda 4,1 müň tonna nebit bitumy öndürildi.
Önümçiligiň bu okgunly ösüşi Türkmenistanyň Prezidenti tarapyndan pudagyň hünärmenleriniň netijeli zähmet çekmegi we dynç almagy üçin döredilen amatly şertleriň netijesinde mümkin boldy.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.