«Sport, sagdynlyk we ruhubelentlik»
13:27 30.05.2026 91
Şeýle şygar astynda Bütindünýä welosiped güni mynasybetli «Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň edara-kärhanalarynda zähmet çekýän işgärlerden düzülen ýygyndy toparlaryň arasynda sportuň woleýbol we futbol görnüşleri boýunça geçirilen ýaryşlar şowhunly ýagdaýda dowam etdi. Oňa müdirligiň düzümine girýän «Gazawat» senagat meýdançasynda, Merkezi dolandyryş edarasynda, Merkezi ýyladyş elektrotehniki önümçilik tejribehanasynda, Jemleýji we üpjün ediji tehniki önümçilik hem-de baş gaz geçirijisiniň ugrundaky «Ýylanly» önümçilik edaralarynda ruhubelent zähmet çekýän işçi-hünärmenler ýokary işjeňlik bilen gatnaşdylar.
«Daşoguzgazakdyryş» müdirliginiň Birleşen kärdeşler arkalaşygy komitetiniň guramagynda Daşoguz welaýatynyň Bedenterbiýe we sport baradaky baş müdirliginiň Daşoguz şäherindäki 6-njy sport mekdebinde woleýbol boýunça geçirilen ýaryşlara I derejeli eminler Rozumbaý Waisow we Guwanç Soltanow dagy eminlik etdi. Üç günläp şowhunly we ruhubelent ýagdaýda dowam eden ýaryşlar daşoguzly gazçylaryň sportuň bu görnüşi boýunça ýeterlik baý tejribe toplandyklaryny aýan etdi.
Bu sport mekdebinde futbol boýunça geçirilen ýaryşlar hem çekeleşikli ýagdaýda hakyky sport baýramçylygyna öwrüldi. Birnäçe günläp ýokary ruhubelentlik we işjeň ýagdaýda dowam eden futbol ýaryşynyň netijesinde müdirligiň «Gazawat» senagat meýdançasynyň, Merkezi ýyladyş elektrotehniki önümçilik tejribehanasynyň we Merkezi dolandyryş edarasynyň işgärlerinden düzülen ýygyndy toparlaryň agzalary has şowly çykyş etmek bilen, degişlilikde, baýrakly orunlara mynasyp boldular. Ýaryşlaryň ýeňijilerine Daşoguz welaýatynyň Bedenterbiýe we sport baradaky baş müdirliginiň we «Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň Hormat hatlary hem-de Birleşen kärdeşler arkalaşygy komitetiniň kubogy dabaraly ýagdaýda gowşuryldy.
Türkmenistanyň Prezidentiniň saýlawlary boýunça möhletinden öň ses bermek başlandy
Çarşenbe güni Türkmenistanyň Prezidentiniň saýlawlary boýunça möhletinden öň ses bermek başlandy.
Türkmenistanyň Merkezi saýlaw topary ýurduň Prezident saýlawlary üçin 2726 milli synçylary bellige aldy
Türkmenistanda Saýlawlary we sala salşyklary geçirmek baradaky Merkezi topar ýurdumyzda 12-nji martda geçiriljek Prezident saýlawlary boýunça milli synçylaryň jemi 2726-syny bellige aldy. BU barada MST-niň saýtynda habar berilýär.
Türkmenistan, Täjigistan we Özbegistan ýylyň ahyryna çenli ýangyç-energetika ulgamynda hyzmatdaşlyk hakynda gepleşikleri geçirer
Türkmenistanyň, Täjigistanyň we Özbegistanyň energetika pudagynyň edaralarynyň ýolbaşçylary 2023-nji ýylyň ikinji ýarymynda nebitgaz we elektrik energiýasy ulgamynda bilelikdäki işleriň mümkinçiliklerine garamak boýunça gepleşikleri geçirerler. Bu barada Türkmenistanyň, Täjigistan Respublikasynyň we Özbegistan Respublikasynyň döwlet Baştutanlarynyň Bilelikdäki Beýannamasynda aýdylýar.
Türkmenistanyň Prezidenti Palestinanyň täze ilçisi bilen hyzmatdaşlygyň geljegini maslahatlaşdy
19-njy iýunda Prezident Serdar Berdimuhamedow Palestina Döwletiniň Türkmenistanda täze bellenen Adatdan daşary we Doly ygtyýarly ilçisi hanym Rana Abu Hijlehi kabul etdi. Ilçi döwlet Baştutanymyza ynanç hatyny gowşurdy diýip, TDH habar berýär.
Türkmen-amerikan hyzmatdaşlygynyň bilelikdäki mümkinçilikleri has giň gerimde ulanylyp bilner — Türkmenistanyň DIM-i
Çarşenbe güni Türkmenistan bilen Amerikanyň Birleşen Ştatlarynyň arasynda her ýyl geçirilýän syýasy geňeşmeler iki ýurduň ugurdaş ministrlikleriniň hem-de pudak edaralarynyň wekilleriniň gatnaşmagynda göni wideoaragatnaşyk ulgamy arkaly öz işini dowam etdi diýip, Türkmenistanyň daşary syýasat edarasynyň saýty habar berýär.