Perm milli barlag politehniki uniwersitetiniň alymlary Hytaý Halk Respublikasyndan bolan kärdeşleri bilen bilelikde himiýa jisimlerini çuňňur nebit guýularyna eltip bermek üçin ýörite kapsulalary işläp düzdüler. Olaryň innowasion çözgüdi netijeliligi ýokarlandyrmaga we çykarmasy kyn bolan nebiti gazyp almagyň çykdajylaryny azaltmaga kömek eder.
Adatça şeýle kapsulalar plastmassadan taýýarlanýar, emma olar ýokary temperatura we basyşa çydaman ýumşaýarlar hem-de wagtyndan öň dargaýarlar.
Täze işläp düzme palçykly çig malyndan we metallurgiýa galyndylaryndan alynýan geopolimer keramikasyndan taýýarlandy diýip, Türkmenistanyň Halkara habarlar merkezi (THP) habar berýär.
