2021-nji ýylyň ahyryna çenli Ýewropa komissiýasy Ýewropa Bileleşiginiň elektrik energetikasy we gaz ulgamynda umumy gyzyklanma döredýän taslamalaryň täze sanawyny tassyklar (PCI). Bu sanawa Ýewropanyň energetika bazary üçin zerur bolan hem-de ÝB-niň elýeterli, howpsuz we durnukly energiýany üpjün etmek boýunça energetika syýasatynyň maksatlaryna ýetmek üçin möhüm bolan taslamalar girizilýär. Bu bolsa, şol taslamalaryň birnäçe ýeňilliklere, şol sanda «Connecting Europe Facility» (CEF) Gaznasynyň maliýe goldawyna eýe bolup biljekdigini aňladýar.
Bu PCI-niň eýýäm bäşinji sanawy bolup, ol her iki ýyldan täzelenilýär. Sanawa dalaşgärleriň hatarynda Hazar sebitinden we Merkezi Aziýadan Ýewropa tebigy gazy akdyrmagyň hasabyna Günorta gaz geçelgesiniň mümkinçiliklerini giňeltjek Hazarüsti gaz geçirijisiniň taslamasy bar.
