Ýurdumyzyň ykdysadyýetinde möhüm orny eýeleýän nebitgaz toplumynyň iri kärhanalarynyň biri bolan Seýdiniň nebiti gaýtadan işleýän zawodynda Arkadag Serdarly bagtyýar ýaşlar ýylyny şowly jemlemek, nebit önümleriniň öndürilýän möçberlerini artdyrmak ugrunda netijeli işler alnyp barylýar. Gaýtadan işleýjileriň gaýratly we maksada okgunly zähmet çekmegi arkaly şanly ýylyň tamamlanan ýedi aýy üstünlikli jemlenildi.
— Hormatly Prezidentimiziň pudagymyzyň öňünde goýan jogapkärli wezipelerini üstünlikli durmuşa geçirmäge agzybirlik bilen gatnaşýarys. Agzybirligiň, jebisligiň bar ýerinde üstünlik hem gazanylýar. Munuň şeýledigine gazanýan maliýe-ykdysady görkezijilerimiz hem aýdyň şaýatlyk edýär — diýip, kärhananyň baş ykdysatçysy Reýimguly Orazow diýýänlerini anyk maglumatlar bilen delillendirýär.
