Nebitgaz toplumynyň düzümleri ýazky bag ekmek dabarasyna guramaçylykly gatnaşdylar
16:49 17.03.2024 1407
![https://oilgas.gov.tm/storage/posts/10173/original-165f6d8b05b2b1.jpg](https://oilgas.gov.tm/storage/posts/10173/original-165f6d8b05b2b1.jpg)
Geçen şenbe güni ýurdumyzda ýazky bag ekmek möwsümine badalga berildi. Şonuň bilen bagly ähli welaýatlarymyzda, Aşgabat şäherinde we Arkadag şäherinde ählihalk bag ekmek dabarasy geçirildi. Döwlet derejesinde ýylyň-ýylyna guramaçylykly geçirilýän, asylly däbe öwrülen bu giň gerimli çärä milli ykdysadyýetimiziň binýatlyk pudagy bolan ýurdumyzyň nebitgaz toplumynyň ähli pudaklarynyň işgärleriniň müňlerçesi agzybirlikde gatnaşdylar. Milli bahar baýramynyň — Halkara Nowruz gününiň öňüsyrasy badalga alan bag ekmek dabarasy toýlara beslenýän ýurdumyzyň durmuşyna özboluşly öwüşgin çaýdy.
16-njy martda säher bilen ,,Türkmengaz’’, ,,Türkmennebit’’ döwlet konsernleriniň, ,,Türkmengeologiýa’’ döwlet korporasiýasynyň dolandyryş merkeziniň we pudaklaýyn önümçilik edara-kärhanalarynyň işgärleridir hünärmenleri Aşgabat şäheriniň günbatarynda ýerleşýän nebitgaz toplumynyň Tokaý hojalygynyň bagçylyk zolagyna jemlendiler. Nebitgazçylar dag eteginde baharyň ajaýyp tämiz howaly ir ertirinde baglaryň idegini ýetirip, hapa-haşal otlardan arassalaýyş, düýbüni agdaryş, täze ekilen nahallaryň suwaryş işlerini ýerine ýetirdiler. Tokaý hojalygynyň giň meýdana ýaýylyp gidýän bag zolaklaryndaky düýbi ýumşadylan, timarlaýyş işleri geçirilen, ot-çöplerden arassalanylan saýaly we gyrymsy agaçlar, täze oturdylan nahallar ýaz paslynyň al-ýaşyl öwsüp görke gelýän häzirki günlerinde töweregiň öňküdenem gözelligini artdyrdy. Jana ýakymly howa gurşawy, bu ýerleriň tebigy özboluşlylygy we bahar günleriniň tenekarlygy bir bitewi sazlaşygy emele getirip, nebitgazçylarda ruhubelentlik döredip, ýakymly duýgulary oýardy.
Türkmen halkynyň Milli Lideri Gahryman Arkadagymyzyň başlangyjy bilen her ýyl ýurdumyzda amala aşyrylýan, Tokaý zolaklaryny artdyrmak, daşky gurşawy gowulandyrmak maksadyndan ugur alýan giň gerimli ýazky bag ekmek dabarasy hormatly Prezidentimiz Serdar Berdimuhamedowyň ýolbaşçylygynda üstünlikli dowam etdirilýär. Ýazky bag ekmek dabarasy Türkmenistanyň 2021–2025-nji ýyllar üçin Milli tokaý maksatnamasyna laýyklykda amala aşyrylýar.
Ýaz we güýz aýlarynda geçirilýän ählihalk çäresi bagly meýdanlaryň çägini giňeltmek bilen, paýtagtymyzyň, ähli sebitlerdäki şäherlerimiziň howa gurşawynyň hilini ýokarlandyrmaklyga gönükdirilendir. Ekologiýa meselesinde çylşyrymly ýagdaýlaryň öňüni almakda netijeli başlangyçdyr we tebigy şertlerden tapawulylykda adam eli bilen döretmäge mümkinçilik berýän elýeterli asylly işdir. Munuň özi oňyn netijesinem berýär. Aşgabat şäherindäki we welaýatlarymyzdaky döredilen tokaý zolaklary, seýilgähler adamlaryň abadan durmuşynyň hözirini artdyryp, amatly ýaşaýyş şertini kemala getirýär. Bu ählihalk işlerine ýurdumyzyň möhüm pudagy bolan nebitgaz toplumynyň düzümleri saldamly goşant goşýar. Ýazky bag ekmek möwsüminiň badalga alan güni, ähli welaýatlarymyzdaky nebitgaz toplumynyň önümçilikleriniň zähmet köpçüligi bu çärä işjeň gatnaşyp, bellenilen çäklerindäki bag zolaklarynda degişli işleri netijeli alyp bardylar.
2024-nji ýylda paýtagtymyzda we Arkadag şäherinde 1,5 million ýaprakly, pürli, miweli agaç we üzüm nahallarynyň, beýleki sebitlerimizde hem 1,5 million nahallaryň ekilmegi meýilleşdirilýär. Diňe ,,Pähim-paýhas ummany Magymguly Pyragy’’ ýylynda ekiljek bag nahallarynyň sany hem Türkmenistanda adamlaryň ýaşaýyş şertleriniň hilini ýokarlandyrmaklyga, daşky gurşawyň howa şertlerini gowulandyrmaklyga döwlet syýasatynyň möhüm meseleleriniň biri hökmünde garalýandygyna şaýatlyk edýär.
![162f9e70ec400d.jpeg](https://oilgas.gov.tm/storage/posts/5298/large-162f9e70ec400d.jpeg)
«Awazada» deňze çykalgasy bolmadyk ösüp barýan döwletleriň ulag boýunça maslahaty öz işine başlady
15-nji awgustda irden «Awaza» milli syýahatçylyk zolagynyň Kongressler merkezinde deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahaty öz işine başlady.
![162f5f51979269.jpeg](https://oilgas.gov.tm/storage/posts/5284/large-162f5f51979269.jpeg)
Ýewropada gazyň spotlaýyn bahasy müň kub metrine 2300 dollardan geçdi
Ýewropada gazyň spotlaýyn bahasy müň kub metrine 2300 dollardan geçdi. ICE Futures biržasynda TTF üçin golaýdaky fýuçersiň bahasy penşenbe güni irden müň kub metri üçin 2311 dollara ýetdi, şol bir wagtyň özünde söwdalaşyklar 2200 dollardan başlandy diýip, Interfaks habar berýär.
![162f5f12236c73.jpeg](https://oilgas.gov.tm/storage/posts/5285/large-162f5f12236c73.jpeg)
Brend nebiti 99,11 dollara çenli arzanlady
Deslapky günüň söwdalaşyklarynda ynamly ösüşden soň, anna güni söwdalaryň barşynda nebitiň bahalary aşaklaýar diýip, Interfaks habar berýär.
![162f9ec9450f7f.jpeg](https://oilgas.gov.tm/storage/posts/5297/large-162f9ec9450f7f.jpeg)
Hökümetiň göçme mejlisinde Türkmenistanyň nebitgaz toplumynyň ýanwar-iýul aýy boýunça işleriniň netijeleri jemlendi
Geçen anna güni, 12-nji awgustda Hazar deňziniň kenarynda zähmet rugsadynda bolýan Prezidenti Serdar Berdimuhamedow Ministrler Kabinetiniň göçme mejlisini geçirdi. Onda ýurdumyzda şu ýylyň ýedi aýynda alnyp barlan işleriň jemi jemlenildi hem-de käbir meselelere garaldy. Mejlisiň barşynda wise-premýer Ş.Abdrahmanow gözegçilik edýän pudaklarynda şu ýylyň ýanwar — iýul aýlarynda alnyp barlan işleriň netijeleri barada hasabat berdi.
![162fb603fda7dd.jpeg](https://oilgas.gov.tm/storage/posts/5311/large-162fb603fda7dd.jpeg)
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.