Ählihalk bag ekmek çäresiniň barşynda Türkmenistanda 595 müň töweregi nahal oturdyldy
09:54 18.03.2024 6995
16-njy martda ählihalk bak ekmek dabarasynyň barşynda tutuş Türkmenistan boýunça saýaly, pürli, miweli baglaryň we üzüm nahallarynyň 594 müň 892 düýbi oturdyldy. Şeýle hem seýilgähleri, tokaý zolaklaryny arassalamak, abadanlaşdyrmak işleri bilen birlikde, jemi 2 million 376 müň 204 düýp agaja ideg işleri geçirildi diýip, "Türkmenistan" gazetiniň elektron neşiri habar berýär.
Ählihalk bag ekmek möwsüminiň nobatdaky tapgyryna Prezident Serdar Berdimuhamedow Magtymguly Pyragy medeni-seýilgäh toplumynyň ýanyndan badalga berdi.
Soňra Prezident Serdar Berdimuhamedow paýtagtymyzyň günortasyndaky gözel künjekleriň birinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda ählihalk bag ekmek dabarasynyň geçirilýän ýerine geldi. Konstitusiýa binasy bilen Maslahat köşgüniň aralygyndaky çäkde döredilen seýilgäh zolagynda Türkmenistanyň Prezidenti Halk Maslahatynyň Başlygy bilen bilelikde bag ekmek dabarasyna girişdiler hem-de Arçabil şaýolunyň ugrunda ýakyn geljekde emele geljek tokaý zolagynyň döredilmegine badalga berdiler.
Wekilbazar nebit önümleri kärhanasynda metal çelekleriň üçüsi ulanylmaga berildi
«Türkmennebitönümleri» baş müdirliginiň Hojalyk hasaplaşygyndaky abatlaýyş-gurluşyk müdirliginiň Mary welaýat şahamçasynyň gurluşykçylary üç müň kub metrden köpräk nebit önümlerini saklamaklyga niýetlenilen uly göwrümli täze metal çelekleriniň üçüsini Wekilbazar nebit önümleri kärhanasynda ýokary hilli gurup, ulanmaga berdiler. Munuň özi kärhana gelip gowuşýan nebit önümlerini ygtybarly saklamaklyga hem-de goýbermeklige mümkinçilik berer. Bu bolsa kärhana gelip gowuşýan ýangyç hem çalgy ýaglaryny bökdençsiz kabul etmek ugrunda edilýän aladanyň bir mysalydyr.
Kuala-Lumpurda TEIF 2025 forumy Türkmenistana bolan gyzyklanmanyň artýandygyny görkezdi
2025-nji ýylyň 23-24-nji aprelinde Malaýziýanyň paýtagty Kuala-Lumpurda geçirilen Türkmenistanyň ykdysadyýetine daşary ýurt maýa goýumlaryny çekmek boýunça halkara forumy TEIF 2025 öz işini tamamlady.
Gazy eksport ediji ýurtlaryň forumy 2050-nji ýyla çenli Türkmenistanda gaz çykarylyşynyň iki esse artmagyny çaklaýar
Gazy eksport ediji ýurtlaryň forumynyň (GECF) Baş sekretary Muhammet Hamel Türkmenistanyň ykdysadyýetine daşary ýurt maýa goýumlaryny çekmek boýunça Malaýziýada geçirilen halkara forumda (TEIF 2025) eden çykyşynda dünýäde ikinji uly gaz ýatagynyň işjeň ösdürilmegi we turba geçirijileriň giňeldilmegi bilen, Türkmenistanyň gaz çykarylyşyny 2050-nji ýyla çenli iki esse ýokarlandyryp, ýylda 150 milliard kub metre çenli ýetirip biljekdigini belledi.
Seýdiniň NGIZ-de bäş aýda 146 müň tonnadan gowrak nebit öndürildi
Seýdiniň nebiti gaýtadan işleýän zawodynda 2023-nji ýylyň ýanwar-maý aýlarynda 194 müň 457 tonna nebit gaýtadan işlenildi, şolardan 146 müň 295 tonna önüm öndürildi.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.