Türkmenistanyň wekiliýeti Ženewada BMG-niň ÝYK agza ýurtlarynda wodorod energetikasyny ilerletmek meselesini maslahatlaşdy
05:14 04.04.2024 2944
Türkmenistan 18-21-nji martda Ženewada (Şweýsariýa) geçirilen Metan boýunça bütindünýä maslahata gatnaşdy. Ýurdumyzyň wekiliýetiniň düzümine birnäçe ministrlikleriň we edaralaryň, şol sanda Türkmenistanyň DIM-niň, Daşky gurşawy goramak ministrliginiň, şeýle hem “Türkmengaz” döwlet konserniniň wekilleri girdi diýip, metbugat beýanynda aýdylýar.
Forumyň guramaçylary bolup Metan boýunça ählumumy başlangyç we BMG-niň Ýewropa ykdysady komissiýasy Ählumumy metan merkezi, Klimat we arassa howa boýunça koalisiýa hem-de beýleki guramalary bilen hyzmatdaşlykda çykyş etdi.
Türkmen wekiliýeti sebitleýin duşuşyklaryna hem gatnaşdy. Çäreleriň çäklerinde Durnukly energetika boýunça komitetiň meýdançasynyň çäklerinde BMG ÝYK agza ýurtlarynda wodorod energetikasynyň ilerledilişini maslahatlaşmak üçin gaz boýunça bilermenleriň her ýylky mejlisi geçirildi.
Durnukly energetika ulgamlaryny döretmekde, şol sanda döwletleriň we sebitleriň senagat taýdan ösüşini üpjün etmekde, Durnukly ösüş maksatlaryna ýetmekde tebigy gazyň ornuna aýratyn üns berildi.
Mälim bolşy ýaly, Türkmenistan Howa boýunça COP-28 maslahatynda resmi taýdan Ählumumy metan borçnamasyna goşuldy.
«Bagtyýarlyk» gaz käninde täze taslama badalga berildi
Hormatly Prezidentimiziň baştutanlygynda barha ösüşleriň täze belentliklerine çykýan eziz Watanymyzyň Garaşsyzlygynyň 30 ýyllyk şanly baýramçylygyny sowgatly garşylamak ugrundaky asylly maksat ýurdumyzyň nebitgaz pudagynyň edara-kärhanalarynyň her birinde zähmet joşgunyny emele getirdi. «Türkmengazüpjünçilik» birleşiginiň Gazlaşdyrmak boýunça gurluşyk-gurnaýyş müdirliginiň Mary welaýaty boýunça gurluşyk-gurnaýyş ülşüniň gaz gurluşykçylary hem halkymyzyň baş baýramynyň öň ýanyndaky günlerde her bir iş gününi üstünlikli jemleýärler.
2024-nji ýylyň ýanwar aýynda Türkmenistanda jemi içerki önümiň özüş depgini 6,3% boldy
Toplumlaýyn çäreleriň üstünlikli durmuşa geçirilmegi netijesinde, Türkmenistanda jemi içerki önümiň durnukly ösüşi üpjün edilip, ol 6,3 göterim artdy. Bu barada Ministrler Kabinetiniň Başlygynyň orunbasary H.Geldimyradow şu ýylyň ilkinji aýynyň makroykdysady görkezijileri barada 16-njy fewralda geçirilen Hökümet mejlisinde beren hasabatynda belledi.
Türkmenistanyň Prezidenti: ýanwar aýynda düýpli maýa goýumlar 24,6% artdy
2024-nji ýylyň ýanwar aýynda maliýeleşdirmegiň ähli çeşmeleriniň hasabyna ýurdumyz boýunça özleşdirilen düýpli maýa goýumlaryň möçberi 24,6 göterim artdy. Bu barada Prezident Serdar Berdimuhamedow milli ykdysadyýetimiziň pudaklary tarapyndan şu ýylyň ýanwarynda alnyp barlan işleriň jemlerine bagyşlanyp geçirilen Hökümet mejlisinde belledi.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Geofizikleriň gazanýan üstünlikleri — innowasiýalary ornaşdyrmagyň netijesi
Şu ýylyň ýedi aýynyň jemi boýunça «Türkmennebit» döwlet konserniniň «Türkmennebitgeofizika» müdirligi boýunça ýerine ýetirilen işlerden 44 mln manat özleşdirildi. Bu görkeziji bellenilen döwür üçin göz öňünde tutulan görkezijiden 5,3 mln manat ýokarydyr.