“Türkmengaz” DK we “BOTAŞ” gaz ulgamynda hyzmatdaşlygyň geljegini maslahatlaşdylar
09:46 27.01.2025 3246
“Türkmengaz” döwlet konserninde geçen hepde konserniň ýolbaşçylarynyň “BOTAŞ” türk kompaniýasynyň baş direktory Abdulwahit Fidanyň ýolbaşçylygyndaky wekiliýet bilen duşuşygy geçirildi. Duşuşygyň barşynda ikitaraplaýyn gatnaşyklarynyň häzirki ýagdaýy we geljekki ösüş mümkinçilikleri ara alnyp maslahatlaşyldy.
Taraplar özara hormat, ynanyşmak we özara bähbitli ýörelgeler esasynda hyzmatdaşlygy çuňlaşdyrmaga uly gyzyklanma bildirýändiklerini mälim etdiler. Muny duşuşygyň gün tertibiniň çäklerinde ýangyç-energetika pudagyndaky hyzmatdaşlyk meseleleriniň we onuň geljekde ösdürilmeginiň ara alnyp maslahatlaşylmagy hem tassyklady.
Duşuşykda iki ýurduň nebitgaz senagaty ugrundaky gatnaşyklary ösdürmek üçin uly mümkinçiliklere eýedigine aýratyn üns berildi. 2024-nji ýylyň mart aýynda Türkmenistanyň Halk Maslahatynyň Başlygynyň Türkiýä amala aşyran saparynyň çäklerinde uglewodorod serişdeleri babatynda hyzmatdaşlyk etmek boýunça Ähtnama we "Türkmengaz" döwlet konserni bilen Türkiýäniň Energetika we tebigy baýlyklar ministrliginiň arasynda tebigy gaz pudagyndaky hyzmatdaşlygy ösdürmek barada Ylalaşyk baglaşyldy. Bu resminamalar bilelikdäki başlangyçlary öňe sürmek üçin möhüm şertnama-hukuk binýadyny döretdi.
Türk wekiliýetiniň agzalarynyň bellemegine görä, Türkmenistanyň hyzmatdaşlygy işjeňleşdirmegi Türkiýede uly hormat bilen garşylanýar. Şeýle hem olar Türkmenistanda halkara hyzmatdaşlygy ösdürmek we daşary ýurt kompaniýalarynyň netijeli işlemegi üçin ygtybarly kanunçylyk binýadynyň döredilendigini nygtadylar.
Myhmanlar Türkmenistanyň Prezidentine we Halk Maslahatynyň Başlygyna özara gatnaşyklary ösdürmäge döwlet derejesinde üns berýändikleri üçin hoşallyk bildirdiler. Türk tarapy bilelikdäki taslamalary durmuşa geçirmekde we hyzmatdaşlygy has-da berkitmekde döredilen mümkinçiliklerden işjeň peýdalanmaga taýýardygyny mälim etdi.
Merkezi saýlaw topary Türkmenistanda Prezidenti wezipesine dalaşgärleri bellige almak çäresini tamamlady
Türkmenistanda iň ýokary döwlet wezipesine dalaşgärleri bellige almak çäresi tamamlandy. Dalaşgärleri hödürlemek hem-de bellige almak çäresi tamamlanandan soň, iň ýokary döwlet wezipesine hödürlenen dalaşgärler bilen saýlawçylaryň duşuşyklary geçirilýär. Bu barada Türkmenistanda Saýlawlary we sala salşyklary geçirmek boýunça merkezi toparyň saýtynda habar berilýär.
Nebit we nebit önümleri daşary ýurtlara ýüklenip iberilende ýük amallaryny geçirmek boýunça düzgünleri kämilleşdirmek işleri maslahatlaşyldy
29-njy maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.
Türkmenistanyň Prezidenti Astanada “Merkezi Aziýa — Italiýa” formatyndaky birinji sammite gatnaşar
Prezident Serdar Berdimuhamedow 30-njy maýda Astanada geçiriljek “Merkezi Aziýa — Italiýa” formatyndaky döwlet Baştutanlarynyň birinji sammitine gatnaşar. Şunuň bilen baglylykda, Türkmenistanyň Prezidentiniň Gazagystan Respublikasynyň Astana şäherine iş saparyna görülýän taýýarlyk barada wise-premýer, daşary işler ministri R.Meredow Hökümet mejlisinde hasabat berdi. Bu barada TDH habar berýär.
Russiýanyň we Türkmenistanyň DIM-niň ýolbaşçylary Türkmenistanda geçiriljek VI Hazar sammitiniň gün tertibini maslahatlaşdylar
22-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow Russiýa Federasiýasyna resmi saparynyň çäklerinde rus kärdeşli Sergeý Lawrow bilen 2022-nji ýylda Türkmenistanda geçiriljek VI Hazar sammitiniö gün tertibini maslahatlaşdylar.
Lebap welaýatynyň saýlawçylary Türkmenistanyň Prezidentligine Demokratik partiýadan dalaşgär bilen duşuşdylar
Çarşenbe güni Lebap welaýat häkimliginiň maslahatlar zalynda Demokratik partiýa tarapyndan Türkmenistanyň Prezidenti wezipesine dalaşgär hödürlenen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy boldy. Bu barada Türkmenistanyň Döwlet habarlar agentligi habar berýär.