Aşgabatda COP29 maslahatynyň esasy netijeleri maslahatlaşyldy
14:52 07.02.2025 2313
Aşgabatda COP29 – BMG-niň Howanyň üýtgemegi boýunça Konferensiýasynyň netijelerine bagyşlanan brifing geçirildi. Onda Azerbaýjanyň Türkmenistandaky ilçisi Gismet Gezalow 2024-nji ýylyň noýabr aýynda Bakuwda geçirilen konferensiýanyň esasy jemlerini beýan etdi.
Bellenilişi ýaly, COP29-da esasan howanyň üýtgemegine garşy göreş çärelerini maliýeleşdirmek meselelerine üns berildi. Maslahata gatnaşyjylar öňki maliýeleşdiriş maksadyny üç esse artdyrmak kararyna gelip, ony 2035-nji ýyla çenli ösüp barýan ýurtlar üçin ýylda ABŞ-nyň 300 milliard dollaryna çenli ýokarlandyrdylar.
Azerbaýjan uýgunlaşma çärelerini öňe sürüp, Ählumumy uýgunlaşma maksadyna goldaw bermek maksady bilen, Baku uýgunlaşma Ýol kartasyny işläp taýýarlady. Şeýle hem COP29-da howa betbagtçylyklaryndan zyýan çeken ýurtlara maliýe goldawyny bermek üçin Öwez tölegini bermek gaznasynyň işe girizilendigi mälim edildi.
Konferensiýanyň esasy netijeleriniň biri hem, Pariž Ylalaşygynyň 6.4 maddasy boýunça ygtybarly we açyk uglerod bazarlarynyň döredilmegine gönükdirilen uzak wagtlap dowam eden gepleşikleriň üstünlikli tamamlanmagy boldy.
COP29 Merkezi Aziýa ýurtlarynyň "ýaşyl" energetika we durnukly ösüş ýörelgelerine ygrarlylygyny güýçlendirmäge ýardam etdi. Azerbaýjanyň başlyklyk etmeginde geçirilen bu konferensiýanyň çäginde birnäçe ählumumy taslamalar badalga aldy. Olaryň hatarynda Baku howa maliýeleşdiriş başlangyjy, COP29 “Howa we parahatçylyk” başlangyjy hem-de ýaşyl ykdysadyýetiň hatyrasyna hyzmatdaşlyk ýaly taslamalar bar.
Ilçi Gezalow Türkmenistanyň 2025-nji ýylda SPECA-nyň başlyklygyny resmi taýdan kabul edendigini we bu ugurda öz konsepsiýasyny hem-de başlangyçlaryny hödürländigini belledi. Bu barada Türkmenistan Habarlar portaly habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
ABŞ daşary ýurtlara strategiki ätiýaçlygyndan nebit iberýär - HBS
Şu ýylyň iýun aýynda ABŞ strategiki nebit gorundan 5 mln töweregi nebit eksport etdi diýip, habar beriş serişdeleri gümrük statistikasynyň we çeşmeleriň maglumatlaryna esaslanyp habar berýär. Interfaksyň amerikan gümrükhanasynyň maglumatlaryn esaslanyp, habar bermegine görä, 470 müň barrel nebit Italiýanyň Triestine Tehasdaky ammardan iberildi. Triestden Merkezi Ýewropadaky nebiti gaýtadan işleýän zawodlara nebiti ýetirýän turba geçiriji geçýär.