Möhüm meselelere garaldy
04:25 06.05.2025 1841
29-njy aprelde «Türkmennebit» döwlet konserniniň «Nebitgazylmytaslama» institutynda ýurdumyzyň ýangyç-energetika toplumynda nebitgaz serişdelerini öndürmegi artdyrmagyň meselelerine bagyşlanyp, «Halkara parahatçylyk we ynanyşmak ýylynda nebitgaz pudagyny ösdürmegiň wajyp meseleleri» atly ylmy-amaly maslahaty geçirildi.
Maslahatda «Türkmennebit» döwlet konserniniň «Nebitgazylmytaslama» institutynyň alymlarydyr hünärmenleriniň hem-de Balkanabat nebitçilik orta hünär okuw mekdebiniň we Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň mugallymlarynyň çykyşlary diňlenildi.
Maslahatyň barşynda Gögerendag — Ekerem göterilmeler zolagynyň miosen çökündileriniň öwrenilişi, nebit çykarylyşyny artdyrmagyň ýollary, nebit çykarylýan guýulary ulanmagyň amatly usullary, guýularyň düýpýaka zolagyna täsir etmegiň kämilleşdirilen ugurlary, harytlyk nebitleri taýýarlamakda himiki reagentleriň saýlanylyşy, buraw erginlerini taýýarlamak üçin hödürlenilýän täze ingibirleýji goşundylar we gatlak suwlarynyň guýa bolan akymyny çäklendirmegiň kämilleşdirilen tehnologiýalary dogrusynda çykyşlar ýaýbaňlandyryldy. Çykyşlarda nebitiň we gazyň çykarylyşyny durnukly ýagdaýda saklamaga gönükdirilen teklipler hödürlenildi.
Maslahatyň barşynda myhmanlar bilen alymlaryň we ylym işgärleriniň arasynda özara tejribe we pikir alşyldy. Çykyşlarda hödürlenilýän teklipleriň nebitgaz pudagyny ösdürmek üçin ähmiýetiniň uludygy maslahata gatnaşyjylar tarapyndan bellenip geçildi.
Türk kompaniýasy Türkmenistanda täze gaz gysyjy desgasyny gurar
Türkmenistanyň Prezidentiniň gol çeken Kararyna laýyklykda, “Türkmengaz” döwlet konsernine Mary welaýatynda “Şatlyk-1” gaz gysyjy desgasynyň taslamasyny düzmek, ony gurmak, zerur enjamlar bilen üpjün etmek we goýberiş-sazlaýyş işlerini ýerine ýetirmek barada Türkiýe Respublikasynyň “Çalik Enerji Sanayi ve Ticaret A.Ş.” kompaniýasy bilen şertnama baglaşmaga ygtyýar berildi diýip, TDH habar berýär.
GDA-nyň Synçylar wekilligi Türkmenistanda Prezident saýlawlaryna taýýarlyga syn etmek boýunça öz işine başlady
Türkmenistanda Garaşsyz Döwletleriň Arkalaşygynyň Synçylar wekilligi öz işine başlady. Onuň agzalary Türkmenistanyň Prezidentiniň 12-nji martda geçiriljek saýlawlary bilen baglylykda, türkmen tarapynyň çagyrmagy boýunça paýtagtymyza geldi diýip, Türkmenistanyň Döwlet habarlar agentligi habar berýär.
Nebitgaz toplumynyň önümleri birža söwdalarynda öňdeligi eýeledi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.
“Türkmennebit” DK-nyň “Nebitgazçykaryş” tresti 2025-nji ýylyň başyndan bäri 1,2 mln tonnadan gowrak nebit çykardy
2025-nji ýylyň başyndan bäri “Türkmennebit” döwlet konserniniň “Nebitgazçykaryş” tresti tarapyndan 1 million 278 müň 817 tonna “gara altyn” çykaryldy. Bu görkezijide “Nebitgazburawlaýyş” trestiniň burawçylarynyň zähmeti möhüm orun eýeleýär. Olar ýylyň başyndan bäri jemi 57 müň 246 metr önümçilik, şeýle-de 16 müň 51 metr gözleg guýularyny burawladylar.
Ýurdumyzda Prezident saýlawlaryna uly gyzyklanma bildirilýär
«Halkyň Arkadagly zamanasy» diýlip yglan edilen ýylyň ilkinji aýlarynda Türkmenistanyň Prezidentiniň saýlawlary boýunça möhüm jemgyýetçilik-syýasy çäre açyklyk, aýdyňlyk, demokratik we giň bäsdeşlik esasynda geçirilýär. Häzirki wagtda onuň birinji tapgyry — ýokary döwlet wezipesine dalaşgärleri hödürlemek we bellige almak tamamlandy.