Aşgabatda uglewodorod känlerini işläp taýýarlamakda täze tehnologiýalary ornaşdyrmagyň ekologiýa jähtleri maslahatlaşylar
11:52 31.05.2025 1523
5-nji iýunda Aşgabatda "Uglewodorod känlerini özleşdirmekde innowasion tehnologiýalary ornaşdyrmagyň ekologiýa jähtleri" (TESC) atly halkara ylmy-amaly maslahat geçiriler. Bu foruma Türkmenistanyň “Türkmengaz” we “Türkmennebit” döwlet konsernleri hem-de “Türkmengeologiýa” döwlet korporasiýasy bilen bilelikde “Türkmen Energiýa Forumy” guramaçylyk edýär.
Forumyň maksady – daşky gurşawy goramak we ýaşyl geljege gönükdirilen iri energetika kompaniýalary, halkara guramalar, akademiki jemgyýetçilikler we maliýe institutlary bilen türkmen döwlet edaralarynyň arasyndaky halkara hyzmatdaşlygy ösdürmekden ybaratdyr.
Türkmenistan ekologiýa meselelerine aýratyn üns berýär, hususan-da, nebitgaz känleri özleşdirilende metan we ugurdaş gazlaryň zyňyndylaryny azaltmaga uly ähmiýet berýär.
Türkmenistanyň Prezidenti Serdar Berdimuhamedow: “Türkmenistan 2030-njy ýyla çenli parnik gazlarynyň zyňyndylarynyň derejesini nol derejä çenli ýetirmegi, uzak möhletli meýilnamada bolsa zyňyndylary ýylsaýyn yzygiderli azaltmagy meýilleşdirýär. Muny ýurduň öz serişdeleriniň hasabyna hem-de halkara guramalaryň tehniki we maliýe goldawy bilen amala aşyrmagy göz öňünde tutýar. Türkmenistan bu meselelerde utgaşykly çemeleşmäniň tarapdary bolup, daşky gurşawy goramak ugrunda anyk ädimleri ädýär we bütin adamzat üçin möhüm bolan bu ugurda halkara hyzmatdaşlygyň ösmegine öz goşandyny goşmaga çalyşýar” diýip belledi.
Maslahata Türkmenistanyň hökümetiniň ýokary derejeli wekilleri, milli we halkara nebitgaz kompaniýalarynyň ýolbaşçylary, energetika guramalarynyň ýolbaşçylary, iri halkara institutlaryň we ylmy merkezleriň wekilleri gatnaşar.
Forumyň myhmanlarynyň sanawynda dünýä belli kompaniýalaryň – CNPC, BP, Exxon Mobil, Petronas, ADNOC, Mitro International, Buried Hill, NAPECO, Dragon Oil, ENI, Lukoýl – wekilleri bar. Şeýle hem halkara nebitgaz guramalary – Halkara Energetika Agentligi (IRENA), Bütindünýä gaz merkezi, Gaz eksport edýän ýurtlaryň forumy, Nebit inženerleriniň jemgyýeti, Energetika Hartiýasynyň sekretariaty – gatnaşarlar.
Şeýle-de, BMG, ÝHHG, Bütindünýä Banky, Aziýa ösüş banky, Ýewropa täzeleniş we ösüş banky ýaly köp sanly halkara guramalaryň, maliýe institutlarynyň we Türkmenistanda akkreditirlenen diplomatik wekilhanalaryň wekilleri çykyş eder.
Maslahata hem-de onuň çäklerindäki işewür duşuşyklara gatnaşmak, gaýtadan dikeldilýän energiýa çeşmeleri we energiýa pudagynyň ekologiýa taýdan arassa ugra gönükdirilen diwersifikasiýasy boýunça maýa goýum mümkinçilikleri bilen tanyşmaga giň mümkinçilik döreder.
Forumyň çäklerindäki çykyşlar we panel sessiýalar geçiriler, Türkmenistanyň giň energetika mümkinçiliklerini özleşdirilende zyňyndylary we ugurdaş gazlary azaltmak boýunça soňky başlangyçlar tanyşdyrylar.
Bu halkara maslahat özara bähbitli hyzmatdaşlygy ýola goýmak üçin ajaýyp meýdança bolar.
Maslahat barada giňişleýin maglumat bilen şu sahypada tanşyp bilersiňiz: https://tesc-turkmenistan.com/ru
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.