Türkmenistan Dubaýdaky EXPO-2020 sergisine gatnaşmaga taýýarlyk görýär
15:29 19.09.2021 8152
Ýakynda Türkmenistanyň paýtagtynda 1-nji oktýabrda Dubaýda (Birleşen Arap Emirlikleri) dabaraly ýagdaýda açyljak EXPO-2020 sergisine bagyşlanyp, webinar geçirildi. Ony BAE-niň Türkmenistandaky ilçihanasy gurady.
Türkmen tarapyndan webinara Türkmenistanyň DIM-niň, Söwda we daşary ykdysady aragatnaşyklar ministrliginiň, Senagatçylar we telekeçiler birleşiginiň, Söwda-senagat edarasynyň, habar beriş serişdeleriniň wekilleri gatnaşdylar.
Webinaryň açylyşynda çykyş edip, oňa gatnaşyjylara Birleşen Arap Emirlikleriniň Türkmenistandaky ilçisi Ahmed Al-Haý Al-Hameli ýüzlendi. Diplomat duşuşyga gatnaşyjylara minnetdarlyk bildirip, Türkmenistanyň raýatlaryny ýurduň Garaşsyzlygynyň 30 ýyllygy bilen gutlady.
BAE-niň Türkmenistandaky diplomatik wekilhanasynyň ýolbaşçysy şeýle hem çärä gatnaşyjylara wirtual ekskursiýa hökmünde ýakynda açyljak serginiň prezentasiýasyny hödürledi.
Iri halkara sergi «Bilelikde oýlanyp, geljegi döredýäris» mowzugyna bagyşlanyp, onuň çäklerinde üç sany üç sany ki mowzuklar bolar — «Mümkinçilikler», «Ykjamlyk» we Durnuklylyk».
EXPO 2020-ä dünýäniň 190-dan gowrak döwletiniň gatnaşmagyna garaşylýar.
Türkmenistanyň meýdançasy «Ykjamlyk» sergisinde ýerleşer. 9-njy oktýabr tutuşlygyna ýurdumyzyň gazananlaryny görkezmäge bagyşlanar. Şol sanda Türkmenistanyň nebitgaz toplumynyň dürli önümleri we maýa goýum taslamalary görkeziler.
Bütindünýä sergisi 2022-nji ýylyň 31-nji martynda tamamlanar.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
«Türkmen maýa goýum kompaniýasy» ýerli işewürligi hyzmatdaşlyga çagyrýar
Türkmenistanyň Döwlet daşary ykdysady iş banky bilen BAE-niň Abu-Dabi ösüş gaznasy bilen bilelikde dünýä tejribesine laýyklykda döredilen «Türkmen maýa goýum kompaniýasy» ýapyk görnüşli paýdarlar jemgyýeti Türkmenistandan işewürleri hyzmatdaşlyga çagyrýar. Bu barada «Нейтральный Туркменистан» gazetinde habar berilýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
HHR-iň Hökümetiniň ýörite wekili bilen energetika we beýleki ugurlarda hyzmatdaşlygy giňeltmek mümkinçilikleri maslahatlaşyldy
Ýurdumyza sapar bilen gelen Hytaý Halk Respublikasynyň Hökümetiniň Ýewraziýa işleri boýunça ýörite wekili Li Hueý bilen geçirilen duşuşykda energetika, ulag, logistika we beýleki ugurlarda ikitaraplaýyn hyzmatdaşlygy mundan beýläk hem ösdürmek mümkinçilikleri maslahatlaşyldy diýip, Türkmenistanyň Döwlet habarlar agentligi habar berýär.
Türkmenistanyň Prezidenti: “Garaýyşlaryň umumylygyndan ugur alyp, Merkezi Aziýany parahat, ykdysady taýdan özüne çekiji durnukly sebit hökmünde görýäris”
Häzirki şertlerde Merkezi Aziýa ýurtlary bilen Ýewropa Bileleşiginiň arasyndaky syýasy-diplomatik hyzmatdaşlyk sebitdäki we goňşy ýurtlardaky umumy ýagdaýlara netijeli täsir etmäge ukyply diýip pikir edýäris. Bu ugurda dünýä bileleşiginiň, ozaly bilen, Birleşen Milletler Guramasynyň tagallalaryna ýardam bermeli diýip hasaplaýarys diýip, Prezident Serdar Berdimuhamedow «Merkezi Aziýa — Ýewropa Bileleşigi» görnüşindäki birinji sammitinde çykyşynda belledi.