OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
18:51 11.08.2023 9936
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Şol bir wagtda 2023-nji ýylyň I çärýeginde nebite bolan isleg çaklamasy 50 müň b/g, III we IV çärýeklerde 10 müň b/g ýokarlandyryldy, II çärýekde çaklama 40 müň b/g azaldyldy.
«Garaşylyşy ýaly, YHÖG (Ykdysady hyzmatdaşlyk we ösüş guramasy) sebitinde 2023-nji ýylda nebite bolan isleg ortaça günde 74 müň barrel artyp, 46 mln b/g deň bolar. Şol bir wagtda Amerikadaky YHÖG ýurtlarynda isleg iň düýpli bolar, şol sanda ABŞ-da. Muňa awiakerosina we benzine bolan islegiň artmagy sebäp bolar.
Çaklanylyşy ýaly, «ýeňil distilýatlar hem şu ýylda islegiň artmagyna täsir eder» diýlip, analitikler hasaplaýar. YHÖG girmeýän ýurtlarda nebite bolan isleg, çaklanylyşy ýaly, günde 2,4 mln barrele çenli artyp — 2023-nji ýylda 56 mln b/g ýeter.
«Çaklanylyşy ýaly, 2024-nji ýylda Hytaýda dowam edýän kadalaşmanyň netijesinde durnukly ykdysady ösüş nebitiň sarp edilişini artdyrar» diýip OPEK hasaplaýar.
2024-nji ýylda 2,2 mln b/g möçberinde umumy ösüşden esasy artyş YHÖG girmeýän döwletleriň paýyna düşer — 2 mln b/g.
Türkmenistanda nebitiň çykarylyşyny artdyrmak boýunça çäreler durmuşa geçirilýär
Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň meselelerine we käbir resminamalaryň taslamalaryna garaldy.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti: «Merkezi Aziýa + Russiýa» hyzmatdaşlyk formatynda ykdysadyýet ileri tutulýan ugur bolup durýar
«Merkezi Aziýa + Russiýa» altytaraplaýyn hyzmatdaşlygyň çäklerinde ykdysadyýet ileri tutulýan möhüm ugur bolup durýar. Bu pikiri Prezident Serdar Berdimuhamedow geçen anna güni Astanada geçirilen “Merkezi Aziýa — Russiýa” sammitiniň barşynda belledi.
Seýdiniň NGIZ-de ýarym ýylda 227 müň tonna çig mal gaýtadan işlenildi
Seýdiniň nebiti gaýtadan işleýän zawodynda 2023-nji ýylyň başky alty aýynda 227,4 müň tonnadan gowrak çig mal gaýtadan işlenildi. Şol bir wagtda önümçilik meýilnamasy 105,6% ýerine ýetirildi.
Türkmenistanyň DIM-niň ýolbaşçysy Pakistanyň Senatynyň Başlygy bilen TOPH gaz geçirijisiniň gurluşygyny we beýleki meseleleri maslahatlaşdy
Türkmenistanyň DIM-nde daşary işler ministri Raşid Meredow bilen Aşgabada sapar bilen gelen Pakistanyň Senatynyň Başlygy Saýed Ýusuf Raza Gilaniniň arasynda geçirilen duşuşykda taraplar syýasy-diplomatik, söwda-ykdysady, medeni-ynsanperwer, energetika we ulag-aragatnaşyk pudaklaryndaky hyzmatdaşlygyň meseleleriniň giň toplumyny ara alyp maslahatlaşdylar. Bu barada türkmen daşary syýasat edarasynyň saýtynda habar berilýär.