“Lebapgazçykaryş” müdirligi: geçen ýylyň netijeleri we 2024-nji ýyl üçin meýilnamalar
14:16 02.02.2024 9518
“Türkmengaz” döwlet konserniniň “Lebapgazçykaryş” müdirliginde geçen ýylyň önümçilik görkezijileriniň jemleri jemlenildi we 2024-nji ýyl üçin meýilnamalar belli edildi.
Şeýlelikde, 2023-nji ýylda tebigy gazy çykarmak boýunça meýilnama 110,5% ýerine ýetirildi. Esasy önüm bilen birlikde, gaz kondensatyny çykarmak boýunça hem meýilnama üstünlikli ýerine ýetirildi.
Geçen ýylda müdirlik boýunça 10,9 milliard kub metr tebigy gaz çykarylyp, ol bellenilen meýilnamadan 1 milliard kub metr artykdyr. Gaz kondensatynyň çykarylyşy 39,1 müň tonnadan gowrak boldy. Bu çig maly Seýdiniň nebiti gaýtadan işleýän zawodynda gaýtadan işlenilýär, bu ýerden ondan taýýar önüm öndürilýär.
Müdirligiň ähli bölümlerinde işler ýokary gutarnykly netijäni gazanmaklyga gönükdirilendir. Guýulary ýerasty we düýpli abatlamakda iş alyp barýan abatlaýjylar muňa aýdyň goşandyny goşýarlar. Geçen ýylda olar 30 sany guýyny abatlap, ulanyşa berdiler. Malaý, Böwrideşik, Naýyp we beýleki känlerde işleriň aglaba bölegi geçirildi. Netijede “mawy ýangyjyň” öndürilişi düýpli artdy.
Türkmenistanyň Prezidenti nebitgaz pudagynyň önümçilik-tehniki binýadynyň berkidilmegine aýratyn üns berýär. Bu hili goldaw gymmatly tebigy çig maly öndürijileriň işjeňliginiň artmagynda möhüm orun eýeleýär. Malaý gaz käninde kuwwatly gaz kompressor bekediniň işe girizmegi gaz çykarylyşyny düýpli artdyrmaga mümkinçilik berdi.
Tamamlanan ýylda Malaý-Bagtyýarlyk gaz geçirijisi boýunça 6,4 mlrd kub metrden gowrak tebigy gaz iberildi. Munuň özi, bellenilen meýilnamanyň 158 göterim ýerine ýetirilendigine şaýatlyk edýär. Öndürilýän önümiň belli bir bölegi Hytaýa, aglaba bölegi bolsa ýerli sarp edijilere iberilýär.
2024-nji ýylda müdirligiň zähmet toparlarynyň öňünde jogapkärçilikli wezipeler durýar. Gazçylar ýurdumyzyň ösüşine mynasyp goşant goşmaga we uglewodorod serişdeleriniň çykarylyşyny artdyrmaga çalyşýarlar.
Şu ýylda müdirlik boýunça 10,3 mlrd kub metr tebigy gaz çykarmak meýilleşdirildi. Şol bir wagtda diňe bir bu meýilnamany ýerine ýetirmek däl, eýsem, ondan artyk öndürmek üçin ähli şertler bar.
Türkmenistanda nebitiň çykarylyşyny artdyrmak boýunça çäreler durmuşa geçirilýär
Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň meselelerine we käbir resminamalaryň taslamalaryna garaldy.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti: «Merkezi Aziýa + Russiýa» hyzmatdaşlyk formatynda ykdysadyýet ileri tutulýan ugur bolup durýar
«Merkezi Aziýa + Russiýa» altytaraplaýyn hyzmatdaşlygyň çäklerinde ykdysadyýet ileri tutulýan möhüm ugur bolup durýar. Bu pikiri Prezident Serdar Berdimuhamedow geçen anna güni Astanada geçirilen “Merkezi Aziýa — Russiýa” sammitiniň barşynda belledi.
Seýdiniň NGIZ-de ýarym ýylda 227 müň tonna çig mal gaýtadan işlenildi
Seýdiniň nebiti gaýtadan işleýän zawodynda 2023-nji ýylyň başky alty aýynda 227,4 müň tonnadan gowrak çig mal gaýtadan işlenildi. Şol bir wagtda önümçilik meýilnamasy 105,6% ýerine ýetirildi.
Türkmenistanyň DIM-niň ýolbaşçysy Pakistanyň Senatynyň Başlygy bilen TOPH gaz geçirijisiniň gurluşygyny we beýleki meseleleri maslahatlaşdy
Türkmenistanyň DIM-nde daşary işler ministri Raşid Meredow bilen Aşgabada sapar bilen gelen Pakistanyň Senatynyň Başlygy Saýed Ýusuf Raza Gilaniniň arasynda geçirilen duşuşykda taraplar syýasy-diplomatik, söwda-ykdysady, medeni-ynsanperwer, energetika we ulag-aragatnaşyk pudaklaryndaky hyzmatdaşlygyň meseleleriniň giň toplumyny ara alyp maslahatlaşdylar. Bu barada türkmen daşary syýasat edarasynyň saýtynda habar berilýär.