Çagalaryň dynç alşy şowhuna beslenýär
13:17 14.06.2023 4745
Häzirki wagtda ýurdumyzda çagalaryň tomusky dynç alyş möwsümi dowam edýär. Tomsuň ilkinji günlerinde okuw möwsümini tamamlan çagalary ýurdumyzyň ajaýyp Gökdere jülgesindäki köpsanly sagaldyş-dynç alyş merkezleri gujak açyp garşylady. Şolaryň hatarynda Gökderedäki «Şöhle» we «Nebitçi» çagalar dynç alyş we sagaldyş merkezleri hem bar. Olarda dynç alyp, saglygyny berkidýän çagalaryň her gününiň manyly we netijeli geçmegi üçin ähli şertler döredilipdir.
Bu dynç alyş we sagaldyş merkezlerinde bedenterbiýe-sport bilen meşgullanmak üçin meýdançalar, kompýuter, zähmet otaglary, döredijilik merkezleri, el hünärini, rus, iňlis dillerini öwrenmek üçin ýörite gurnaklar, kitaphana hereket edýär. Merkezlerde dynç alýan çagalaryň wagtlaryny gyzykly geçirmekleri üçin ýurdumyzyň tanymal artistleriniň, bagşy-sazandalarynyň, ýazyjy-şahyrlarynyň gatnaşmagynda duşuşyklar, edebiýat agşamlary, dabaraly çäreler yzygiderli guralýar.
Golaýda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň «Türkmengaz» döwlet konserniniň «Işçi iýmiti üpjünçilik we hyzmatlar» müdirligi bilen bilelikde guramagynda Gökderede ýerleşýän «Şöhle» we «Nebitçi» çagalar dynç alyş we sagaldyş merkezlerinde «Dostlugyň özeni — gözel Gökdere» atly aýdym-sazly dabaraly çäre geçirildi.
Tomusky dynç alşa çykan mekdep okuwçylarynyň wagtlaryny şatlykly-şagalaňly geçirmekleri üçin uly alada edilýär. Hormatly Prezidentimiz Serdar Berdimuhamedowyň, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň çäksiz tagallalary bilen ýurdumyzyň ýagty geljegi bolan çagalaryň her bir gününiň, aýratyn hem tomusky dynç alyş möwsüminiň ýokary derejede geçmegini üpjün etmek üçin ýurdumyzda ähli mümkinçilikler döredildi. Muňa şu möwsümde dynç almaga gelen çagalaryň belent ruhly şadyýan sesleri şaýatlyk edýär. Bular dogrusynda «Nebit-gaz» gazetiniň baş redaktory Ussa Ussaýewiň, «Türkmengaz» DK-nyň «Işçi iýmiti üpjünçiligi we hyzmatlar» müdirliginiň guramaçylyk we medeni çäreler boýunça esasy hünärmeni Jepbar Annaşowyň çykyşlarynda buýsanç bilen bellenildi.
Dabaraly çärede «Türkmengaz» DK-nyň Medeni-işewürlik merkeziniň sungat ussatlary — Türkmenistanyň at gazanan artisti Ogulgerek Gurbanowanyň, aýdymçylar Maksat Tuwakowyň, Allanur Bäşimowyň, Gulmuhammet Seýitnazaryň şowhunly aýdym-sazlary bagtyýar çagalaryň göwünlerini galkyndyrdy. Şirin aýdym-sazlar ajaýyp mesgen bolan Gökderede tomusky dynç alyş möwsümini şadyýanlykda geçirýän çagalar üçin ýakymly täsirleri galdyryp, mähirden doly ajaýyp ýatlama öwrüler.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
ABŞ daşary ýurtlara strategiki ätiýaçlygyndan nebit iberýär - HBS
Şu ýylyň iýun aýynda ABŞ strategiki nebit gorundan 5 mln töweregi nebit eksport etdi diýip, habar beriş serişdeleri gümrük statistikasynyň we çeşmeleriň maglumatlaryna esaslanyp habar berýär. Interfaksyň amerikan gümrükhanasynyň maglumatlaryn esaslanyp, habar bermegine görä, 470 müň barrel nebit Italiýanyň Triestine Tehasdaky ammardan iberildi. Triestden Merkezi Ýewropadaky nebiti gaýtadan işleýän zawodlara nebiti ýetirýän turba geçiriji geçýär.