Nebitgaz toplumynda sport bäsleşikleri guramaçylykly geçirildi
10:25 30.04.2024 4181
Geçen hepdäniň dowamynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan nebitgaz toplumynyň işgärleriniň arasynda «Sagdynlyk we bagtyýarlyk» şygary astynda sportuň birnäçe görnüşleri boýunça bäsleşikler geçirildi.
Nebitgazçylaryň ýaşaýyş jaý toplumynyň sport desgalarynda geçirilen bäsleşiklerde «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň merkezi edarasynda we önümçilik düzümlerinde zähmet çekýän erkeklerden we zenanlardan ybarat toparlar stoluň üstünde oýnalýan tennis, uly tennis, şaşka, düzzüm, tanap çekmek, ýaglyga towusmak, daş götermek (16 kg agramlyk ölçegde), darts boýunça güýç synanyşdylar.
«Türkmenistanda 2021 — 2025-nji ýyllarda bedenterbiýäni we sporty goldamagyň hem-de ösdürmegiň Maksatnamasyny» durmuşa geçirmek, türkmen halkynyň Milli Lideri Gahryman Arkadagymyzyň başlangyjy bilen badalga berlen bedenterbiýe-sport, sagdyn durmuş, medeni çäreleriň biraýlygyny dabaralandyrmak,hormatly Prezidentimiziň Karary bilen yglan edilen 5-nji aprel — 5-nji maý aralygynda «Sagdynlyk we bagtyýarlyk» atly biraýlygyň çäklerinde sport bäsleşiklerini guramak, ilatyň arasynda sagdyn durmuş ýörelgesini wagyz etmek maksadynda geçirilen ýaryşlar diýseň gyzgalaňlylygy, şowhunlylygy, täsirliligi bilen tapawutlandy.
Şeýle sport çäreleriniň Berkarar döwletiň täze eýýamynyň Galkynyşy döwründe sagdyn nesli kemala getirmekde, nebitgaz toplumynyň işgärleriniň köpçülikleýin sport bilen meşgullanmagyny gazanmakda, türgenleriň ussatlygyny yzygiderli artdyrmakda, işgärleriň arasynda agzybirligi, jebisligi pugtalandyrmakda ähmiýetiniň uludygyny bellemelidir. Ençeme gün dowam eden ýaryşlar nebitgaz toplumynyň agzybir işgärlerinde ruhubelentlik duýgusyny döredip, olary öňküden-de ysnyşdyrdy.
Guramaçylykly geçirilen ýaryşlaryň netijesi boýunça «Türkmengaz», «Türkmennebit» döwlet konsernleriniň we «Türkmengeologiýa» döwlet korporasiýasynyň düzümlerinde zähmet çekýän ýaşlaryň onlarçasy sport taýýarlygynyň ýokarylygy bilen tapawutlandylar.
Bäsleşikleriň jemi boýunça ýeňijilere guramaçylar tarapyndan hormat hatlary, gymmatbaha sowgatlar dabaraly gowşuryldy.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidenti TNGIZT-niň infrastruktura desgalaryny döwrebaplaşdyrmak boýunça teklibi makullady
18-nji aprelde Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.