OGT 2024 29-njy Halkara maslahatyna we sergisine gatnaşyjylary bellige almak başlandy
14:38 17.07.2024 4581
“Türkmenistanyň nebiti we gazy” atly 29-njy Halkara maslahatyna we sergisine (OGT 2024) gatnaşyjylary bellige almak başlandy, forum 2024-nji ýylyň 23-25-nji oktýabrynda Aşgabatda geçiriler. Bu giň gerimli çäräni «Türkmengaz» we «Türkmennebit» döwlet konsernleri hem-de Türkmenistanyň Söwda-senagat edarasy bilelikde guraýarlar.
Guramaçylaryň metbugat beýanatynda bellenilişi ýaly, energetika sektoryny durnukly ösdürmek hem-de göni daşary ýurt maýa goýumlaryny Türkmenistanyň nebitgaz pudagyna çekmek üçin mümkinçilikleri giňeltmek boýunça sebit gatnaşyklaryny berkitmek maslahatyň maksady bolup durýar.
Forumyň çäklerinde işewür duşuşyklar we çäreler geçiriler, olar Türkmenistanyň nebitgaz toplumynda täze maýagoýum taslamalary, “Galkynyş” gaz känini özleşdirmegiň nobatdaky tapgyrlary, ýataklarda nebitiň we gazyň çykarylyşyny amatlaşdyrmak, Hazar deňziniň türkmen böleginde deňiz bloklaryny işläp taýýarlamak, energiýanyň gaýtadan dikeldilýän çeşmeleri we uglewodorod serişdelerini özleşdirmekde ekologiýa talaplary barada geljekki maýadarlaryň habarlylygyny artdyrmaga mümkinçilik berer.
Işewürlik maksatnamasynyň çäklerinde tematiki mejlisleri geçirmek meýilleşdirildi. Umumy mejlisde dünýäniň energetika bazarynda täze meýiller hem-de özara bähbitli hyzmatdaşlygyň mümkinçilikleri ara alnyp maslahatlaşylar. Şeýle hem esasy trendleri we maýa goýum mümkinçilikleri bilen energetika özgerişligi üçin çig mal harytlary hakynda çykyşlar diňleniler.
Energetika özgerişliginde tehnologik innowasiýalaryň we adam maýasynyň ornuna, şol sanda pes uglerodly ýangyç bolup durýan tebigy gazyň möhüm ornuna aýratyn üns berler.
Degişli mejlisler uglewodorod ýataklary işlenip taýýarlanylanda ekologiýa talaplary açyp görkezer, olar metanyň we kömürturşy gazynyň (CO2) zyňyndylaryny azaltmaga, şeýle hem energiýanyň alternatiw çeşmeleri babatda täze taslamalar arkaly tebigy serişdelerden girdejiniň alynmagyny çaltlandyrmaga gönükdirilendir.
OGT-2024 forumyna gatnaşyjylary bellige almak 2024-nji ýylyň 13-nji oktýabryna çenli dowam eder.
Guramaçylar bellige alynan gatnaşyjylaryň hemmesine wiza bilen bagly meselelerde kömek goldawyny üpjün ederler.
Türkmenistanyň Prezidenti Eýranyň energetika ministri bilen energetika we ulag ulgamlarynda hyzmatdaşlygyň geljegini maslahatlaşdylar
Türkmenistanyň Prezidenti Serdar Berdimuhamedow bilen Eýran Yslam Respublikasynyň energetika ministri Ali Akbar Mehrabianyň arasynda geçirilen duşuşykda ikitaraplaýyn hyzmatdaşlygy ösdürmegiň geljegi ara alnyp maslahatlaşyldy diýip, TDH habar berýär.
Owganystanyň Häkimiýeti TOPH gaz geçirijisi boýunça işleri geçirip başlamagyň zerurlygyny beýan etdi
Türkmenistan-Owganystan-Pakistan-Hindistan gaz geçirijisiniň gurluşygyny başlamak zerurlygy barada Talibanlaryň hökümetinde dag senagaty we nebit ministriniň wezipesini wagtlaýyn ýerine ýetirýän Şahabuddin Delawar TOPH gaz geçirijisiniň taslamasynyň ýeine ýetiriji direktory Muhammetmyrat Amanow hem-de Türkmenistanyň Kabuldaky ilçisi Hoja Öwezow bilen duşuşykda belledi.
Türkmenistanyň DIM-inde Eýranyň wekiliýeti bilen duşuşykda ýangyç-energetika we beýleki ugurlarda hyzmatdaşlyk maslahatlaşyldy
Türkmenistanyň daşary syýasat edarasynyň binasynda Türkmenistanyň Daşary işler ministri Raşid Meredowyň Eýran Yslam Respublikasynyň Energetika ministri Ali Akbar Mehrabianyň ýolbaşçylygyndaky eýran wekiliýeti bilen geçiren duşuşygynda elektroenergetika, nebitgaz pudaklarynda hyzmatdaşlygy ösdürmegiň ýollary, suw we ekologiýa pudagynda özara gatnaşyklar meseleleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň, Azerbaýjanyň we Türkiýäniň döwlet Baştutanlarynyň Sammiti 13-14-nji dekabrda «Awazada» geçiriler
Hazar deňziniň türkmen kenarynda «Awaza» milli syýahatçylyk zolagynda 13-14-nji dekabrda Türkmenistanyň, Azerbaýjanyň we Türkiýäniň Prezidentleriniň duşuşygy meýilleşdirildi. Prezident Serdar Berdimuhamedow şenbe güni «Türkmenistanyň Prezidentiniň Diwanynyň Iş dolandyryş müdirligine Türkmenistanyň Daşary işler ministrligi bilen bilelikde 2022-nji ýylyň 13-14-nji dekabrynda «Awaza» milli syýahatçylyk zolagynda Türkmenistanyň, Azerbaýjanyň we Türkiýäniň döwlet Baştutanlarynyň üçtaraplaýyn sammitiniň ýokary derejede we guramaçylykly geçirilmegini üpjün etmegi tabşyrýan» resminama gol çekdi.
Tebigy gazdan benzin öndürýän zawodyň ikinji tapgyryny koreý kompaniýalarynyň gatnaşmagynda gurmak meýilleşdirilýär
Türkmenistanyň wekiliýeti Koreýa Respublikasynyň iri kompaniýalarynyň wekilleri bilen Ahal welaýatynda tebigy gazdan benzin öndürmek boýunça zawodyň ikinji nobatdakysynyň gurluşygy boýunça gepleşikleri geçirdi.