Owganystanda ýagdaýlaryň kadalaşmagy TOPH taslamasyny ilerletmäge ýardam edýär
11:44 25.10.2024 1724
Owganystandaky ýagdaý düýpli kadalaşýar we Türkmenistan-Owganystan-Pakistan-Hindistan (TOPH) transmilli gaz geçirijisiniň gurluşyny ilerletmäge mümkinçilik berýär. Bu barada TAPI Pipeline Company Limited-niň Baş direktory we Dolandyryş geňeşiniň başlygy Muhammetmyrat Amanow 24-nji oktýabrda “Türkmenistanyň nebiti we gazy – 2024” Halkara maslahatynda eden çykyşynda belledi.
“Umuman, islendik iri taslama belli bir kynçylyklar bilen ýüzbe-ýüz bolýar. Elbetde, TOPH taslamasy kadadan çykma däl. Howpsuzlyk meseleleri, aýratyn hem Owganystanda örboýuna galýar, emma biz howpsuzlyk bilen bagly ýagdaýlaryň bu ýurtda has gowulaşýandygyny görýäris. Bu bolsa bize öňe hereket etmäge mümkinçilik berýär” – diýip, M.Amanow aýtdy. Ol şeýle hem Türkmenistanyň ýerli Hökümet we jemagat bilen ysnyşykly iş alyp barýandygyny belledi.
“Beýleki tarapdan, maliýe logistika kynçylyklary hem iri möçberli taslamalaryň aýrylmaz bölegi bolup durýar. Bu meselede taslama maliýeleşdirmegi üpjün etmek üçin daşary ýurtly hyzmatdaşlar bilen maýadarlary bilen özara gatnaşyk saklaýar” diýip, Amanow nygtady.
Onuň bellemegine görä, häzirki wagtda Serhetabat-Hyrat gaz geçirijisini gurmagyň mümkinçilikleri işjeň ara alnyp maslahatlaşylýar. Taslama töweregini ygtybarly energiýa üpjünçiligini üpjün etmek we Türkmenistanyň Owganystana tebigy gaz üpjünçiligini artdyrmak üçin möhüm ähmiýete eýe.
Taslamanyň durmuşa geçirilmeginiň iki ýurduň energiýa howpsuzlygyny berjaý etmegiň we ykdysady ösüşe ýardam etmegiň möhümdigini bellemeli. Gaz geçirijisiniň gurluşygy täze iş orunlaryny döredip, ulgamyň öňe gidişini üpjün eder, bu bolsa ykdysadyýetiň durnukly ösüşi üçin aýratyn möhüm bolup durýar.
Mundan başga-da, taslama gazyň ýetirilýän ýollaryny diwersifikasiýa etmäge mümkinçilik berer, bu hem adaty geçiriş ýoluna baglylygy azaltmaga kömek eder. Serhetabat-Hyrat bölüminiň gurluşygynyň tamamlanmagy, diňe bir Owganystana däl, eýsem regionyň beýleki ýurtlaryna gaz üpjünçiligini artdyrmaga mümkinçilik berer, şonuň bilen bir hatarda energiýa bazarlarynyň integrasiýasyna ýardam eder.
Ýangyç-energetika toplumynda hyzmatdaşlyk, maýa goýumlar we syýahatçylyk - Türkmen-katar syýasy geňeşmeleriniň üns merkezinde
Doha şäherinde Türkmenistanyň we Katar Döwletiniň Daşary işler ministrlikleriniň arasynda geçirilen syýasy geňeşmelerde maýa goýumlar, syýahatçylyk, nebitgaz we energetika ulgamynda hyzmatdaşlyk ara alnyp maslahatlaşyldy diýip, Türkmenistanyň DIM-inde habar berdiler.
«Döwletabat» käninde gazy bökdençsiz ibermek üçin enjamlary abatlamak meýilleşdirilýär
Geçen anna güni geçirilen Hökümet mejlisiniň barşynda Ministrler Kabinetiniň Başlygynyň orunbasary Ş.Abdrahmanow “Türkmengaz” döwlet konserniniň gaz generatorlaryny düýpli abatlamak barada şertnama baglaşmagy hakynda” Kararyň taslamasy barada hasabat berdi.
BAE-niň wekiliýeti Türkmenistana saparynyň barşynda bilelikdäki işewürler geňeşini döretmek meselesini maslahatlaşar
Ýakyn wagtda Birleşen Arap Emirlikleriniň senagat we öňdebaryjy tehnologiýalar ministriniň ýolbaşçylygyndaky wekiliýet Türkmenistana geler. Bu barada anna güni geçirilen Hökümet mejlisiniň barşynda wise-premýer, daşary işler ministri Raşid Meredow habar berdi.
TESC 2024 halkara ylmy maslahaty ekologiýa we durnukly ösüş meselelerini çözmeklige ünsi çekýär
Ertir, 5-nji iýunda türkmen paýtagtynda “Uglewodorod känlerini işläp taýýarlamagyň energetika geljegi, täze tehnologiýalary we ekologiýa jähtleri” atly Halkara ylmy maslahat (TESC 2024) öz işine başlar. Maslahat jemgyýetçiligiň ünsüni ekologiýa we durnukly ösüş meselelerini çözmelige çekmeklige gönükdirilendir. Daşky gurşawy goramagyň halkara gününe bagyşlanyp geçirilýän duşuşyk onda ara alnyp maslahatlaşyljak temalaryň möhüm ähmiýetini nygtaýar.
«Daşoguzgazçykaryş» müdirligi sarp edijilere gazyň bökdençsiz iberilmegini üpjün edýär
«Türkmengaz» döwlet konserniniň «Daşoguzgazçykaryş» müdirliginiň gazçylary şu ýylyň dokuz aýyny üstünlikli jemlediler. Müdirligiň hünärmenleri içerki sarp edijilere bolşy ýaly, daşarky bazarlara hem gazyň bökdençsiz iberilmegini üpjün edýärler.