CNPC-niň Türkmenistandaky şahamçasy “Bagtyýarlyk” şertnamalaýyn meýdançasynda guýulary burawlamak boýunça №CIT-24096-SR belgili bäsleşiginiň deslapky saýlamalaryny yglan edýär. 

Gyzyklanma bildirýän islendik kompaniýa aşakda görkezilen resminamalary tabşyryp, tendere gatnaşyp biler.

 Tendere gatnaşmak üçin arza;

• Kompaniýanyň doly ady, bellige alnan ýurdy, hukuk ýagdaýy, kompaniýanyň işewürligi barada gysgaça maglumat. Kompaniýanyň hasaba alyş resminamalarynyň we ygtyýarnamasynyň göçürmesi;
• Kompaniýanyň soňky üç ýylyň dowamynda meňzeş şertlerde ýerine ýetiren üstünlikli işleriniň tejribesi (ýokary basyşly, uly töwekgelçilikli we kükürt wodorody ýokary bolan gaz ýataklarynda guýulary burawlamak we sementlemek işleri);
• Häzirki wagtda alnyp barylýan guýularyň gurluşygy we sementlemek işleri boýunça maglumatlar;
• Bu tender üçin teklip edilýän buraw enjamlarynyň ýerleşýän ýeri we häzirki ýagdaýy;
• Kompaniýanyň soňky üç ýyl üçin maliýe ýagdaýy barada maglumat;
• Türkmenistanyň Senagatçylar we telekeçiler birleşmesinde hasaba alnandygy  barada şahadatnamanyň göçürmesi.

Arzalar bildiriş KHBS-de çap edilen gününden başlap 10 (on) senenama gününiň dowamynda kabul edilýär. Bellenilen möhletden giç tabşyrylan teklipler kabul edilmeýär. 

Ähli gyzyklanýan kompaniýalar bäsleşik resminamalaryny rus we iňlis dillerinde taýýarlap, möhür bilen kepillendirip, ugrukdyryjy hat bilen birlikde ýapyk bukjada tabşyrmalydyr. (Bukjalar 2 sany nusgada taýýarlanylyp, onda hökmany suratda resminamanyň skanirlenen görnüşi bolmaly). Bukjanyň daş ýüzünde kabul edijiniň ady, iberijiniň ady, bäsleşigiň belgisi we ady görkezilmelidir.

Bäsleşige gatnaşmagyň şertleri we resminamalar barada anyk maglumatlar üçin aşakdaky salga ýüz tutup bilersiňiz: 

  Türkmenistan, ş. Aşgabat, Bitarap Türkmenistan şaýoly, 553/3. 

Jogapkär hünärmen: Narine Simonýan

Telefon belgisi: +993 12 44-54-34

Faks: +993-12-44 50 44