CNPC-niň Türkmenistandaky şahamçasy Lebap welaýatynyň “Bagtyýarlyk” şertnamalaýyn meýdançasynyň “B” blogunyň gündogar bölegindäki gazy deslapky taýýarlaýyş desgasynyň gatlak suwuny arassalaýjy gurluşlarynyň EPCС taslamasyny (EPCС - taslamany düzmek, gerekli önümleri satyn almak, gurmak we işe girizmek) ýerine ýetirmek boýunça № CIT-25036-SR belgili tender yglan edýär.

Gyzyklanma bildirýän islendik kompaniýalar aşakda görkezilen resminamalary tabşyryp, tendere gatnaşyp biler:

• Tenderiň belgisini we adyny, gatnaşyjynyň doly adyny, hukuk derejesini, hasaba alnan ýurduny we bank rekwezitlerini görkezmek bilen Tendere gatnaşmak üçin arza.
• Tender resminamalaryny (ITB) almaklyga töleg geçirmek üçin hasap belgisini almaly. Töleg geçirmek üçin hasap belgisi ýazmaça arza tabşyrylanda gowşurylar.
• Tender resminamalarynyň doly bukjasyny (ITB) almak üçin kompaniýanyň wekiliniň pasport nusgasy, tender resminamalaryny almaga hukuk berýän esasy ynanç hatynyň nusgasy we töleg geçirilendigini tassyklaýan resminama görkezilmelidir.

Arzalar bildiriş KHBS-nde çap edilen gününden başlap 14 (on dört) senenama gününiň dowamynda kabul edilýär. Bellenen möhletden giç tabşyrylan arzalar kabul edilmeýär.

Ähli gyzyklanýan kompaniýalar bäsleşik resminamalaryny iňlis we rus dillerinde taýýarlap, möhür bilen kepillendirip ugrukdyryjy hat bilen birlikde ýapyk bukjada tabşyrmalydyr. (Bukja 2 sany nusgada taýýarlanylyp, onda hökmany suratda resminamanyň skanirlenen görnüşi bolmaly). Bukjanyň daşky ýüzünde kabul edijiniň ady, iberijiniň ady, bäsleşigiň belgisi we ady görkezilmelidir.  

     Bäsleşige gatnaşmak üçin arzalar Türkmenistan, Aşgabat ş., Bitarap Türkmenistan şaýoly, 553/3 salgy boýunça kabul edilýär:

Jogapkär hünärmen: Narine Simonýan

Telefon belgisi: +993-12-44 54 34