Hazaryň kenarynda tomusky dynç alyş möwsümi
15:01 17.07.2025 3089
Şu günlerde Balkanabadyň Hazar şäherçesiniň golaýynda Hazar deňziniň kenarynda ýerleşýän “Gara altyn” çagalar sagaldyş merkezinde ýurdumyzyň nebitgaz toplumynda zähmet çekýän işgärleriň çagalary tomusky dynç alşyny geçirýärler.
Bu merkez her ýyl tomus paslyndaky dört tapgyrda 1600 çagany kabul edýär.
Çagalaryň rahat we medeniýetli dynç almagy üçin ähli şertler döredilen: ýatylýan otaglar, naharhana, okalga zaly bolan kitaphana, dynç alyş otaglary we kompýuter zallary hereket edýär. Şeýle hem bedenterbiýe we sport bilen meşgullanmak üçin ýörite sport meýdançalary bar. Bu barada “Türkmenistan: Altyn asyr” neşiri habar berýär.
Çagalar medeni-köpçülikleýin çärelerde, konsertlerde we sahna oýunlarynda işjeň çykyş edýärler. Bu ýerde şatlyk, ýylgyryş we dostluk ruhy höküm sürýär. Guralýan gezelençler bolsa çagalaryň ýadyndan çykmajak täsirleri berýär.
Dynç alyş döwründe oglan-gyzlar dürli gurnaklara gatnaýarlar, bilim we dynç alyş bäsleşiklerine gatnaşýarlar.
KIOGE 2024: Nebit-gaz pudagynyň geljegi
2024-nji ýylyň 25-27-nji sentýabry aralygynda Almaty şäherinde iň uly senagat çäresi - 29-njy Halkara “Nebit we gaz” halkara maslahaty we sergisi - KIOGE 2024 geçiriler. Bu barada minmag.kz. habar berýär.
Gahryman Arkadagymyzyň Azerbaýjana sapary başlandy
16-njy iýulda Türkmenistanyň Halk Maslahatynyň Başlygy Gurbanguly Berdimuhamedow sapar bilen Azerbaýjan Respublikasyna ugrady. Gahryman Arkadagymyzy paýtagtymyzyň Halkara howa menzilinde ýurdumyzyň resmi adamlary ugratdylar diýip, TDH habar berýär.
Gurbanguly Berdimuhamedow we Ilham Aliýew Türkmenistan bilen Azerbaýjanyň hyzmatdaşlygynyň geljegini maslahatlaşdylar
16-njy iýulda Azerbaýjana saparynyň barşynda Türkmenistanyň Halk Maslahatynyň Başlygy Gurbanguly Berdimuhamedow bilen Azerbaýjan Respublikasynyň Prezidenti Ilham Aliýewiň arasynda gepleşikler geçirildi diýip, TDH habar berýär.
Pekin we Aşgabat arassa energetika we “akylly şäher” ulgamlarynda hyzmatdaşlygyň geljegini maslahatlaşdylar
16-njy iýulda Türkmenistanyň Senagat we gurluşyk önümçiligi ministrliginiň wekiliýeti Pekindäki Tongfang Co., Ltd. öňdebaryjy hytaý kompaniýasynyň baş edarasynda geçirilen duşuşykda sanly tehnologiýalar, akylly energetika we “akylly şäherler” ulgamyndaky hyzmatdaşlygyň ösdürilişi baradaky meseleler maslahatlaşyldy. Bu barada Türkmenistanyň habarlar portaly habar berýär.
Türkmenistanyň, Hindistanyň we Pakistanyň daşary işler ministrleri energetika ulgamynda hyzmatdaşlygy maslahatlaşdylar
18-20-nji dekabrda türkmen wekiliýetiniň Pakistana we Hindistana iş saparynyň çäklerinde energetika ulgamynda, hususan-da, Türkmenistan – Owganystan – Pakistan – Hindistan transmilli gaz geçirijisiniň gurluşygy ulgamynda hyzmatdaşlygy işjeňleşdirmek meselesi ara alnyp maslahatlaşyldy.