Türkmenistan we Afrika döwletleri energetika, senagat we beýleki ugurlarda hyzmatdaşlygy ösdürmek üçin mümkinçilikleri bellediler
19:43 07.08.2025 2700
6-njy awgustda Prezident Serdar Berdimuhamedow BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde Afrika döwletleriniň wekiliýetleriniň ýolbaşçylary bilen duşuşyklary geçirdi diýip, TDH habar berýär.
Bu gepleşikler halkara hyzmatdaşlygyny giňeltmek üçin netijeli meýdança hökmünde forumyň ähmiýetini tassyklady. Taraplar maslahatyň dowamynda kabul edilen çözgütleriň, şol sanda Hereketleriň Awaza maksatnamasynyň degişli döwletleriň durnukly ykdysady ösüşine itergi berjekdigine ynam bildirdiler.
Gambiýanyň wise-prezidenti Muhammed Jallow bilen geçirilen duşuşykda energetika, himiýa senagaty, oba hojalygy, saglygy goraýyş we bilim ulgamlarynda hyzmatdaşlyk mümkinçilikleri ara alnyp maslahatlaşyldy. Şeýle hem Gambiýanyň bilim ulgamy boýunça hyzmatdaşlyga gyzyklanmasy we ynsanperwer gatnaşyklara aýratyn üns berildi.
Malawi döwletiniň wise-prezidenti Maýkl Biziwik Usi bilen geçirilen duşuşykda Türkmenistan tarapyndan energetika, oba hojalygy, lukmançylyk, bilim we ylmy barlaglar ýaly ugurlarda gatnaşyklary ýola goýmagyň taýýarlygy tassyklanyldy.
Mali Respublikasynyň Premýer-ministri Abdulaý Maýga bilen duşuşykda suw serişdelerini netijeli dolandyrmak, oba hojalygyna innowasiýalary ornaşdyrmak we hünärmenleri taýýarlamak boýunça bilelikdäki taslamalary durmuşa geçirmek mümkinçilikleri ara alnyp maslahatlaşyldy.
San-Tome we Prinsipi döwletiniň Prezidenti Karluş Manuel Vila-Nova bilen duşuşykda taraplar BMG-niň çäklerinde hem hyzmatdaşlygy ösdürmäge taýýardyklaryny beýan etdiler. Şol sanda bu ada döwletiniň syýahatçylyk mümkinçilikleri hyzmatdaşlygyň möhüm ugurlarynyň biri hökmünde kesgitlenildi.
Uganda Respublikasynyň Premýer-ministri Robina Nabbanja bilen geçirilen duşuşykda syýasy, ykdysady we energetika ugurlarynda hyzmatdaşlygyň mümkinçilikleri gözden geçirildi. Serdar Berdimuhamedow Ugandanyň özara bähbitli hyzmatdaşlyk boýunça anyk tekliplerini öwrenmäge taýýardygyny we Türkmenistanyň gazhimiýa hem beýleki senagat pudaklarynda gazanan üstünlikleri bilen tanyşdyrmaga taýýardygyny aýtdy.
Duşuşyklara gatnaşyjy döwletleriň wekilleri Türkmenistanyň maslahaty ýokary guramaçylyk derejesinde geçirýändigi üçin minnetdarlyk bildirdiler.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.