Aşgabatda «ýaşyl» energetika boýunça iň oňat makala bäsleşiginiň jemleri jemlendi
10:44 26.01.2026 2604
23-nji ýanwarda Aşgabatdaky «Ýyldyz» myhmanhanasynda «Türkmengaz» döwlet konserni, «Nebit-Gaz» gazetiniň redaksiýasy, Germaniýanyň halkara hyzmatdaşlyk boýunça jemgyýeti (GIZ) we «Ussatnews» elektron gazeti tarapyndan guralan «Ýaşyl energiýa — ýagty geljek» atly bäsleşigiň ýeňijilerini sylaglamak dabarasy we tegelek stoluň başyndaky söhbetdeşlik geçirildi.
2025-nji ýylyň maý aýynda Halkara parahatçylyk we ynanyşmak ýylynyň çäginde badalga alan bu bäsleşik jemgyýetiň häzirki zaman energetika çözgütleri baradaky habardarlygy ýokarlandyrmaga hem-de Türkmenistanyň ekologiýa, energiýa tygşytlylygy we howa syýasaty babatdaky milli ileri tutulýan ugurlaryny goldamaga gönükdirildi. Gatnaşyjylar gaýtadan dikeldilýän energiýa çeşmelerine, energiýa netijeliligini ýokarlandyrmaga we ýurtda «ýaşyl» taslamalary durmuşa geçirmäge degişli makalalary hödürlediler.
Bäsleşige Türkmenistanyň dürli sebitlerinden onlarça iş gelip gowuşdy. Awtorlar serişdeleri netijeli ulanmak, döwrebap tehnologiýalary ornaşdyrmak we durnukly ösüşi üpjün etmek ýaly wajyp meseleleri gozgadylar. Köp sanly işlerde türkmen halkynyň Milli Lideri Gurbanguly Berdimuhamedowyň «Garaşsyzlyk — bagtymyz» diýen eserindäki ylmy-tehniki özgertmeleriň we durnukly çözgütleriň zerurlygy baradaky pikirlerine salgylanyldy.
Iň oňat makalalar «Nebit-Gaz» gazetinde, şeýle hem oilgas.gov.tm we ussatnews.com saýtlarynda çap edildi.
Bäsleşigiň ýeňijileri:
I orun: Ahmet Geldiýew («Watan» gazetiniň bölüm redaktory); Sapargylyç Durdygylyjow («Türkmengaz» DK-nyň Tebigy gaz ylmy-barlag institutynyň barlaghana müdiri); Mämmet Mämmedow («Nebit-gaz» gazetiniň bölüm müdiri).
II orun: Nurmuhammet Allanazarow (Türkmenistanyň Döwlet energetika institutynyň «Gaýtadan dikeldilýän energiýa çeşmeleri» ylmy-önümçilik merkeziniň inženeri); Ýagmyr Ataýew (Türkmenistanyň Daşky gurşawy goramak ministrliginiň Daşky gurşawy goramak müdiriýetiniň baş hünärmeni); Muhammetnur Ýazgeldiýew (Türkmen döwlet medeniýet institutynyň talyby).
III orun: Kerimmuhammet Muhammetorazow (Bilim ministrliginiň hünärmeni); Annajemal Amangylyjowa (Telekommunikasiýalar we informatika institutynyň mugallymy); Nabat Wepaýewa («Ýaş tebigatçy» jemgyýetçilik guramasynyň hünärmeni).
Birinji orny eýelänlere Ýewropa Bileleşigi we Germaniýanyň DIM-i tarapyndan maliýeleşdirilýän taslamanyň çäginde Ýewropa ýurtlaryna okuw saparyna gatnaşmak üçin sertifikatlar gowşuryldy. Ikinji we üçünji orunlaryň eýeleri ýadygärlik sowgatlary bilen sylaglandylar.
GIZ-iň «Ýaşyl Merkezi Aziýa» maksatnamasynyň ýolbaşçysy doktor Karolina Milow bäsleşigiň ýaşlaryň we hünärmenleriň durnukly energetika meselelerine bolan gyzyklanmasyny görkezendigini belledi.
Okyjylaryň we saýta gelýänleriň köp sanly haýyşlaryny göz öňünde tutup, guramaçylar geljekde hem şeýle bäsleşigiň täzeden yglan ediljekdigini habar berdiler.
Hökümet mejlisinde nebitgaz pudagynyň işiniň 2025-nji ýylyň iki aýynyň netijeleri jemlenildi
7-nji martda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda geçen iki aýda ýurdumyzyň ykdysadyýetiniň pudaklarynda alnyp barlan işleriň jemleri jemlenildi, şeýle hem döwlet durmuşyna degişli käbir beýleki meselelere seredildi diýip, TDH habar berýär.
«Türkmennebit» DK: ýanwar-iýul aýlary boýunça üstünlikli netijeler gazanyldy
2022-nji ýylyň ýedi aýynyň netijeleri boýunça «Türkmennebit» döwlet konserni boýunça senagat taýdan özleşdirilen guýulardan 2 mln 123 müň tonna «gara altyn» we 2 mlrd 613 kub metr «mawy ýangyç» alyndy. Şol bir wagtda bellenilen döwür üçin önümçilik meýilnamasy degişlilikde 101,1% we 115,3% ýerine ýetirildi.
Türkmenistanyň DIM-niň ýolbaşçysy ÝB-niň Ýokary wekili bilen «Merkezi Aziýa – Ýewropa Bileleşigi» formatyndaky hyzmatdaşlygy maslahatlaşdy
Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow bilen Ýewropa Bileleşiginiň Daşary işler we howpsuzlyk syýasaty boýunça Ýokary wekili, Ýewropa Komissiýasynyň Wise-prezidenti Kaýa Kallasyň arasynda geçirilen telefon arkaly söhbetdeşlikde «Merkezi Aziýa – Ýewropa Bileleşigi» formatynyň çägindäki hyzmatdaşlygy giňeltmäge aýratyn üns berildi diýip, Türkmenistanyň DIM-nde habar berdiler.
BMG-niň Baş Assambleýasynda Türkmenistan energetika ulgamynda başlangyçlar bilen çykyş eder
Birnäçe hepdeden Nýu-Ýorkda öz işine başlajak Birleşen Milletler Guramasynyň Baş Assambleýasynyň 77-nji mejlisinde Türkmenistan birnäçe başlagyçlary, şol sanda energetika ulgmamynda başlangyçlary öňe sürer. Bu barada Türkmenistanyň Daşary işler ministrligi habar berýär.
Neon senagaty Türkmenistana uly girdejileri getirip biler — bilermen
Belli türkmen alymy, bilermen we tehniki ylymlarynyň doktory Allaberdi Ylýasow Türkmenistanda neonyň himiýa substansiýasynyň önümçilik mümkinçiligini geljegi uly taslama hasaplaýar. Bu barada CentralAsia.news habar berýär.