“Atabaý” känindäki ilkinji synag guýusy ýokary netijeleri görkezdi
16:17 07.02.2026 1556
Ahal welaýatynyň Ak bugdaý etrabynda ýerleşýän “Atabaý” käninde geçirilen geologiýa-gözleg we burawlaýyş işleriniň netijesinde «Lebapnebitgazgözleg» ekspedisiýasynyň hünärmenleri nobatdaky zähmet ýeňşini gazandylar.
Bu meýdança Merkezi Garagum nebitgazly sebitine degişlidir. Taslama çuňlugy 1 200 metr bolan «Atabaý-1» baha beriş guýusy üstünlikli burawlandy. Ýokary we aşaky hek döwürlerine degişli bolan dokuz sany gatlakda barlag işleri geçirildi we olaryň sekizsiniň gazlydygy anyklandy.
1 136–1 134 metr çuňlukda ekologiýa taýdan arassa, kükürtsiz tebigy gazyň senagat taýdan ähmiýetli akymy alyndy. Guýynyň debiti gije-gündizde 284 müň kub metr gaza deň boldy.
“Atabaý” ýatagyndaky ilkinji baha beriş guýusyndan alnan «mawy ýangyjy» sarp edijilere ýetirmek maksady bilen, ony ulanmaga bermek üçin degişli önümçilik müdirligine geçirmek meýilleşdirilýär.
Täze ýylyň ilkinji aýlarynda gazanylan bu üstünlik nebitgaz gözlegçileri üçin aýratyn ylham çeşmesi boldy. Döwlet Garaşsyzlygynyň 35 ýyllygynyň bellenilýän ýylynda bu gazanylan netijeler ýurduň ykdysady kuwwatyny has-da berkitmäge hyzmat eder.
Dünýäniň öňdebaryjy öndürijilerinden satyn alynýan döwrebap tehnikalaryň we mehanizmleriň önümçilige ornaşdyrylmagy gaz ýataklaryny özleşdirmegiň netijeliligini ep-esli ýokarlandyrýar.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.