Mart aýynda “Türkmenistan – ÝB” ilkinji işewürlik forumy geçiriler
12:23 19.02.2026 1508
Şu ýylyň mart aýynda «ÝB – Türkmenistan» formatyndaky ilkinji işewürlik forumyny geçirmek meýilleşdirilýär. Orient agentliginiň habar bermegine görä, bu barada 17-nji fewralda geçirilen Türkmenistanyň Daşary işler ministrliginiň wekilleri bilen Ýewropa Bileleşiginiň wekiliýetiniň bilelikdäki brifinginde mälim edildi.
«2026 ýylyň merkezi wakasy mart aýyna meýilleşdirilen “ÝB – Türkmenistan” işewürlik forumy bolar. Bu — şeýle giň gerimli ilkinji meýdança bolup, onda ýewropaly maýa goýujylar türkmen hususy pudagy bilen duşuşar», diýip habarlar agentligi ýazýar.
ÝB-niň ilçisi Beata Peksa forumyň möhüm çig mal serişdelerine, sanly arabaglanyşyga we logistika ugurlaryna gönükdiriljekdigini belledi. Türkmenistan üçin bu Aziýa bilen Ýewropanyň arasyndaky üpjünçilik zynjyrlarynda boş galan ornuny eýelemek üçin bir mümkinçilikdir.
Germaniýanyň we Fransiýanyň ilçileri Team Europe başlangyjynyň ähmiýetini aýratyn nygtadylar. 2026-njy ýylyň fewralynda kabul edilen Berlin Jarnamasy Merkezi Aziýanyň Ýewropa ykdysadyýeti üçin «ileri tutulýan hyzmatdaş» bolup durýandygyny tassyklady. Germaniýa energiýa we sanly tehnologiýalara üns berýär, Fransiýa bolsa Erasmus+ maksatnamasynyň täzeden dikeldilmegini we medeni alyş-çalşygy goldaýar.
Brifingde bellenilişi ýaly, 2025 ýyl aragatnaşyklaryň işjeňligi boýunça rekord ýyl boldy. Türkmenistan «ÝB – Merkezi Aziýa» sammitine gatnaşdy, Kaýa Kallas we Ýozef Sikela ýaly möhüm ýewrokomissarlaryň saparlary bolsa Aşgabat üçin Hazar sebitinde strategik habar merkezi statusyny berkitdi.
2025-nji ýylyň energetika ulgamyndaky esasy üstünlikleriniň hatarynda «Ýaşyl Türkmenistan» başlangyjynyň işe girizilmegi we metan zyňyndylaryny azaltmak boýunça işleriň güýçlendirilmegi görkezildi. Ulag ulgamynda bolsa Global Gateway strategiýasynyň çäklerinde Transhazar geçelgesi boýunça «Ýol kartasynyň» taýýarlanylmagy möhüm ädim boldy.
Orient agentliginiň bellemegine görä, brifing Aşgabat bilen Brýusseliň arasyndaky hyzmatdaşlygyň syýasy maslahatlar tapgyryndan mega-taslamalaryň amaly durmuşa geçirilýän döwrüne geçýändigini görkezdi.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.