«OGT-2026» forumyna gatnaşyjylara möhletinden öň hasaba durmak üçin ýeňillikler hödürlenýär
18:00 18.06.2026 207
Häzirki wagtda 2026-njy ýylyň 21–23-nji oktýabrynda geçiriljek «Türkmenistanyň nebiti we gazy – 2026» atly 31-nji halkara maslahata we sergä işjeň taýýarlyk görülýär.
Maslahatyň we serginiň guramaçylarynyň hatarynda «Türkmengaz» we «Türkmennebit» döwlet konsernleri, «Türkmengeologiýa» döwlet korporasiýasy, Türkmenistanyň Söwda-senagat edarasy bar, şeýle hem «Turkmen Energy Forum» hojalyk jemgyýeti bilelikde guraýjy hökmünde çykyş edýär.
«Turkmen Energy Forum-yň» habar bermegine görä, öňünden hasaba duran gatnaşyjylar üçin hasaba alyş tölegine ýörite arzanlaşyk hödürlener. Bu teklip 2026-njy ýylyň 31-nji awgustyna çenli edilen hasaba almalar we tölegler üçin güýçdedir.
OGT-2026 maslahaty energetika howpsuzlygy, durnukly ösüş we uzak möhletli maýa goýum hyzmatdaşlygy meseleleri boýunça gepleşikleri ösdürmek üçin döwlet ministrlikleriniň, milli we halkara nebitgaz kompaniýalarynyň, potratçylaryň, tehnologiýa üpjün edijileriniň, maliýe institutlarynyň we global maýadarlaryň ýokary derejeli wekillerini jemlär.
70 ýurtdan 1 400-den gowrak wekili jemlän «OGT-2025» forumynyň rekord netijelerine esaslanyp, 2026-njy ýylyň maslahaty maýa goýum taýdan özüne çekiji taslamalara, netijeli maýa goýum mehanizmlerine we energetika pudagyndaky bütin gymmatlyklar zynjyry boýunça strategiki hyzmatdaşlyklary kemala getirmäge gönükdiriler.
Hasaba durmak üçin salgy: https://ogt-turkmenistan.com/ru/ogt-registration
Owganystan TOPH taslamasyny durmuşa geçirmäge doly taýýar
Owganystan TOPH taslamasyny durmuşa geçirmäge doly taýýar. Bu barada Owganystanyň dag magdan senagaty we nebit ministriniň wezipesini ýerine ýetiriji Şahabuddin Delawar žurnalistlere habar berdi diýip, TOLO news owgan habarlar agentligi habar berýär.
Gahryman Arkadagymyz Türkiýäniň Prezidenti bilen telefon arkaly söhbetdeşlikde türkmen-türk hyzmatdaşlygynyň ösüşini maslahatlaşdy
Ýekşenbe güni, 29-njy iýunda Türkmenistanyň Halk Maslahatynyň Başlygy Gurbanguly Berdimuhamedowyň we Türkiýe Respublikasynyň Prezidenti Rejep Taýyp Ärdoganyň arasynda telefon arkaly söhbetdeşlik geçirildi diýip, TDH habar berýär.
«Türkmennebit» DK «Tatneft» bilen goşmaça ylalaşyklary baglaşar
Türkmenistanyň Prezidenti Gurbanguly Berdimuhamedow “Türkmennebit” döwlet konsernine Tatarystan Respublikasynyň (Russiýa Federasiýasy) “Tatneft” açyk görnüşli paýdarlar jemgyýeti bilen Goturdepe nebitgaz ýatagynda iş alyp barmak boýunça goşmaça ylalaşygy bellenen tertipde baglaşmaga ygtyýar berýän Karara gol çekdi.
Özbegistanyň Prezidenti Türkmenistanyň Halk Maslahatynyň Başlygyny doglan güni bilen gutlady
29-njy iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik geçirildi diýip, TDH habar berýär.
TDHÇMB-niň söwdalarynda Türkiýeden we Owganystandan telekeçiler «Türkmennebit» DK-nyň awtobenzinini satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 25-si hasaba alyndy.