“Nebitdag” buraw işleri müdirligi bellenilen meýilnamadan öňde barýar
22:17 02.07.2026 806
«Türkmennebit» döwlet konserniniň «Nebitgazburawlaýyş» trestiniň «Nebitdag» buraw işleri müdirligi 2026-njy ýylyň başyndan bäri meýilnamalaýyn borçnamalary artygy bilen ýerine ýetirýär.
Müdirligiň meýilnamasyna laýyklykda, ýylyň bäş aýynyň dowamynda 7 müň 191 metr burawlamak we 4 sany guýuda gurluşyk işlerini tamamlap, olary ulanmaga bermek göz öňünde tutulan hem bolsa, iş ýüzünde 7 müň 387 metr burawlanyp, bu görkeziji boýunça tabşyryk 102,7 göterim ýerine ýetirildi.
Häzirki wagtda bu müdirlik tarapyndan Nebitdag, Goturdepe, Barsagelmez, Demirgazyk Goturdepe, Günbatar Goturdepe, Gündogar Çeleken we Mydar ýataklarynda Hytaý Halk Respublikasynda öndürilen «ZJ-70 DS», «ZJ-30T», «HJ-750», «HJ-450» kysymly 12 sany kuwwatly buraw enjamlarynyň kömegi bilen ulanyş guýularynda buraw işleri alnyp barylýar.
Gurluşyk işleri tamamlanan Nebitdag, Günbatar Goturdepe, Demirgazyk Goturdepe we Mydar ýataklaryndaky dört sany guýy buýrujylara tabşyryldy, meýilnama 100 göterim berjaý edildi.
Şeýle hem «Hazargazçykaryş» nebitgazçykaryş müdirligine degişli bolan Gündogar Çeleken meýdançasynyň taslama çuňlugy 3 müň 600 metre barabar bolan 90-njy belgili guýusynda taýýarlyk işleri geçirildi, burawlama dowamynda barlag geçirmek göz öňünde tutulýar.
«Ýaşyldepagazçykaryş» nebitgazçykaryş müdirligine degişli Mydar meýdançasynyň taslama çuňlugy 2 müň metre barabar bolan 32-nji belgili guýusynda buraw enjamlaryny gurnamak işleri tamamlandy, burawlama döwri dowam edýär. Gündogar Demirgazyk meýdançasynyň 400-nji belgili buraw enjamlarynda diňi gurnamak işleri alnyp barylýar. Barsagelmez, Goturdepe, Mydar ýataklaryndaky 7 sany guýuda bolsa buraw işleri üstünlikli dowam edýär.
«Türkmennebit» döwlet konserniniň hünärmenleri ýyly üstünlikli tamamlamak üçin yhlasly zähmet çekýärler. Munda «Nebitdag» buraw işleri müdirliginiň burawçylarynyň mynasyp goşandy bar.
«Türkmennebit» döwlet konserniniň düzümindäki esasy kärhanalaryň biri bolan «Nebitgazburawlaýyş» trestiniň «Nebitdag» buraw işleri müdirligi 1971-nji ýylda döredildi. Şu ýylyň 1-nji iýunynda müdirligiň döredilenine 55 ýyl doldy.
ÝB-niň energetika ministrleri gazyň iň ýokary çäk bahasy babatda umumy pikire gelip bilmediler
Ýewropa Bileleşigi ýurtlarynyň energetika ministrleri anna güni düşünişmezligi aradan aýryp, sowuk möwsümiň ýakynlaşyp gelmegi bilen energiýa geçirijileriniň bahalarynyň artmagy netijesinde rus gazy meselesi boýunça umumy pikire gelip bilmediler. Birnäçe ýurtlar bu babatda garaýyşlaryny üýtgetmekden ýüz öwürdiler diýip, Interfaks habar berýär.
Eni 2022-nji ýylda nebitiň barreliniň bahasy boýunça çaklamasyny 105 dollara çenli ýokarlandyrdy
Eni kompaniýasynyň ýolbaşçylary Brent nebitiniň 2022-nji ýylda binýatlyk bahasynyň çaklamasyny 80 dollardan 105 dollara çenli ýokarlandyrdy we ýylyň jemleri boýunça öz nebit we gaz önümçiliginiň çaklamasyny ýaramazlaşdyrdy diýip, Interfaks habar berýär.
Ykdysady hyzmatdaşlyk boýunça Hökümetara türkmen-ermeni toparynyň dokuzynjy mejlisi geçirildi
13-nji sentýabrda Türkmenistanyň Söwda-senagat edarasynyň binasynda Ykdysady hyzmatdaşlyk boýunça Hökümetara türkmen-ermeni toparynyň dokuzynjy mejlisi geçirildi. Mejlis Türkmenistanyň Ministrler Kabinetiniň Başlygynyň orunbasary — Toparyň türkmen böleginiň başlygy Şahym Abdrahmanowyň hem-de Ermenistan Respublikasynyň Çäk müdirligi we infrastrukturalar ministri Gnel Sanosýanyň — Toparyň ermeni böleginiň başlygynyň ýolbaşçylygynda geçirildi.
Türkmenistanyň we Azerbaýjanyň hünärmenleri Hazar deňziniň düýbüni çäklendirmegiň meseleleri boýunça taslamany maslahatlaşdylar
12-13-nji sentýabrda Azerbaýjan Respublikasynyň Baku şäherinde Hazar deňziniň düýbüni çäklendirmegiň meseleleri boýunça bilelikdäki Iş toparynyň nobatdaky duşuşygynda Türkmenistan bilen Azerbaýjan Respublikasynyň arasynda Hazar deňziniň düýbüni çäklendirmek baradaky Türkmenistan bilen Azerbaýjan Respublikasynyň arasyndaky Ylalaşygyň taslamasynyň düzgünleri ara alnyp maslahatlaşyldy. Bu barada Türkmenistanyň DIM-niň saýtynda habar berilýär.
Türkmenistanyň Prezidenti we Ýaponiýanyň Imperatory söwda-ykdysady hyzmatdaşlygy ösdürmek üçin ägirt uly mümkinçilikleri bellediler
15-nji aprelde Ýaponiýada saparda bolýan hormatly Prezidentimiz Serdar Berdimuhamedow Ýaponiýanyň Imperatory Naruhito bilen duşuşdy diýip, TDH habar berýär.