“Türkmengaz” DK Germaniýadan enjamlary satyn alar
10:15 20.07.2026 262
«Türkmengaz» döwlet konserni tehniki enjamlary satyn almak barada «VIETZ GmbH» kompaniýasy bilen şertnama baglaşar.
Ýurdumyzyň nebitgaz pudagynyň öňünde goýlan wezipeleri üstünlikli durmuşa geçirmek maksady bilen, Türkmenistanyň Prezidenti 19-njy iýulda Karara gol çekdi.
Satyn alynýan enjamlar konserniň garamagyndaky edara-kärhanalar üçin niýetlenendir.
Täze ýöriteleşdirilen enjamlar konserniň kärhanalarynyň önümçilik kuwwatyny ýokarlandyrmaga we olaryň bökdençsiz işini üpjün etmäge mümkinçilik berer.
Belläp geçmeli zat, Germaniýanyň "VIETZ GmbH" kompaniýasy (ştat-kwartirasy Gannower şäherinde ýerleşýär) magistral nebit we gaz geçirijilerini gurmak hem-de olara hyzmat etmek boýunça toplumlaýyn enjamlary öndürýän we üpjün edýän abraýly ýewropaly öndürijileriň biridir.
Kompaniýa şeýle hem agyr turba tehnikasyny, kebşirleýiş traktorlaryny, gidrawlik stansiýalaryny, turbalary egriji maşynlary we kebşirleýiş tikinleriniň hiline gözegçilik edýän ulgamlary çykarmak boýunça ýöriteleşýär.
"VIETZ" tehnikalary adatdan daşary howa şertlerine niýetlenen bolup, bu onuň Merkezi Aziýadaky giň göwrümli gaz geçiriji taslamalarynda örän islegli bolmagyny üpjün edýär.
Serdar Berdimuhamedow Duşenbedäki duşuşykda Merkezi Aziýa Söwda palatasyny döretmekligi teklip etdi
Prezident Serdar Berdimuhamedow Duşenbe şäherinde geçirilen Merkezi Aziýa döwletleriniň Baştutanlarynyň bäşinji konsultatiw duşuşygynda eden çykyşynda Merkezi Aziýa Söwda palatasyny döretmekligi teklip etdi.
«Türkmengaz» DK-da öňdebaryjy tehnologiýalary ornaşdyrmak we döwrebaplaşdyrmak boýunça işler geçirilýär
Şenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň durmuşyna degişli käbir meseleler ara alnyp maslahatlaşyldy.
Türkmenistanyň Prezidenti BMG-niň Baş Assambleýasynyň 78-nji sessiýasyna gatnaşmak üçin Nýu-Ýorka ugrady
Ýekşenbe güni Prezident Serdar Berdimuhamedow Birleşen Milletler Guramasynyň Baş Assambleýasynyň Nýu-Ýorkda geçirilýän 78-nji sessiýasyna gatnaşmak üçin iş sapary bilen Amerikanyň Birleşen Ştatlaryna ugrady.
Türkmenistanyň Prezidenti we ÝB-niň Başlygy ikitaraplaýyn hyzmatdaşlygy berkitmegiň meselelerini maslahatlaşdylar
Birleşen Milletler Guramasynyň Baş Assambleýasynyň 78-nji mejlisine gatnaşmak maksady bilen, Nýu-Ýorkda iş sapary bilen bolýan Prezident Serdar Berdimuhamedow Ýewropa Bileleşiginiň Başlygy Şarl Mişel bilen duşuşdy diýip, TDH habar berýär.
Türkmenistanyň Prezidenti Merkezi Aziýa ýurtlarynyň täze tehnologiýalar boýunça Geňeşini döretmekligi teklip etdi
Prezident Serdar Berdimuhamedow Duşenbe şäherinde geçirilen Merkezi Aziýa döwletleriniň Baştutanlarynyň bäşinji konsultatiw duşuşygynda Merkezi Aziýa ýurtlarynyň täze tehnologiýalar boýunça Geňeşini döretmekligi teklip etdi.