Mary welaýatynyň «Ýylan» käninde ýokary hilli gazyň akymy alyndy
11:15 21.07.2026 5070
Mary welaýatynyň «Ýylan» käniniň № 04 baha beriş-ulanyş guýusynda 2916 metr çuňluga çenli burawlamak işleriniň netijesinde 2860–2858 metr aralygynda gije-gündizde 700 müň kub metrden gowrak debitli tebigy gazyň täze senagat akymy alyndy.
«Türkmengaz» döwlet konserniniň «Türkmengazburawlaýyş» müdirliginiň burawlaýjylarynyň üstünligi Watanymyzyň ykdysady kuwwatyny mundan beýläk-de berkitmäge mynasyp goşant goşýar.
Täze guýynyň esasy aýratynlygy — çig malyň ýokary hilli we arassa bolmagydyr. Bu ýerde çykarylýan tebigy gazyň düzüminde kükürdiň ýokdugy aýratyn bellärliklidir. Bu bolsa onuň ekologik taýdan arassalygyny we senagat üçin ýokary täjirçilik bahasyny üpjün edýär.
Tebigy gazyň täze senagat taýdan ähmiýetli akymynyň alynmagy käni mundan beýläk-de giň gerimde özleşdirmek üçin uly mümkinçilikleri açýar, bu hem Türkmenistanyň gaz pudagynyň eksport kuwwatyny artdyrmaga we içerki sarp edijileri durnukly üpjün etmäge mümkinçilik berer.
Soňky ýyllarda «Ýylan» käni «Türkmengaz» döwlet konserniniň ýörite üns merkezinde saklanýar. Onuň sebitiň beýleki iri känleriniň — aýratyn-da «Galkynyş» ägirt uly käniniň golaýynda amatly geografik ýerde ýerleşmegi täze desgany eýýäm bar bolan gaz ulag infrastrukturasyna aňsatlyk bilen birikdirmäge mümkinçilik berýär. Geljekde bu pudak hem içerki zerurlyklar, hem-de halkara magistrallary üçin çig malyň ygtybarly goşmaça çeşmesi bolar.
Häzirki wagtda «Türkmengazburawlaýyş» müdirliginiň burawlaýjylary «Ýylan» käninde işleri sazlaşykly dowam etdirýärler. Türkmenistanyň Prezidentiniň tebigy gaz çykarmagy artdyrmak boýunça öňde goýan wezipelerini öz wagtynda we ýokary hilli ýerine ýetirip, zähmetsöýer gazçylar Watanymyzyň gülläp ösmegine saldamly goşant goşýarlar.
Prezident: Türkmenistan ýaponiýaly işewürlere özara bähbitli hyzmatdaşlyk üçin ähli şertleri hödürlemäge taýýar
Ýaponiýa bilen işewürlik hyzmatdaşlygyny ynamly meýilleşdirmek üçin ýurdumyzda ähli şertler bar. Bu barada Prezident Serdar Berdimuhamedow Tokioda ýapon işewür toparlarynyň wekilleri bilen geçiren duşuşygynda belledi.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.
Serdar Berdimuhamedow Ýaponiýanyň Halkara hyzmatdaşlyk bankynyň başlygy bilen duşuşdy
15-nji aprelde Ýaponiýa saparynyň barşynda Prezident Serdar Berdimuhamedow Ýaponiýanyň Halkara hyzmatdaşlyk bankynyň başlygy Haýahsi Nobumitsu bilen hem duşuşdy.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.