Aňyrsyna-bärsine göz ýetmeýän, uç-gyraksyz Garagum. Onuň asty hem, üsti hem durşuna genji-hazyna. Baryp-ha geçen asyryň 60-njy ýyllarynyň ortalarynda Demirgazyk — Gündogar Garagumda ýerasty baýlygyň — «mawy ýangyjyň» köp mukdardaky gorunyň bardygy anyklanylýar. Şondan soň, hazyna Türkmenistanyň gaz senagatynyň gözbaşynda durýan Ojak gaz käninden soňra ençeme ýataklaryň üsti açyldy we senagat taýdan özleşdirildi. Häzirki wagtda ýurdumyzyň beýleki sebitlerinde hem gaz ýataklarynyň onlarçasynyň üsti açylýar. Gaz gorunyň möçberi boýunça dünýäde öňdäki orunlaryň birini eýeleýä