Petronas Türkmenistandaky Halkara maýa goýum forumynyň bürünç hemaýatkäri boldy
15:13 05.05.2021 5493
PETRONAS Çarigali (Türkmenistan) Sdn. Bhd. (Malaýziýanyň PETRONAS-yň golçur kompaniýasy) kompaniýasy Türkmenistanyň nebit-gaz pudagyna daşary ýurt maýa goýumlaryny çekmek boýunça halkara forumyň bürünç hemaýatkäri boldy. Forum ýurduň garaşsyzlygynyň 30 ýyllygyna bagyşlanýar. Bu barada çäräniň Guramaçylyk komiteti yglan etdi.
12-13-nji maýda Aşgabatda geçiriljek Forumyň guramaçylary “Türkmengaz” we “Türkmennebit” döwlet konsernleri, “Türkmengeologiýa” döwlet korporasiýasy, şeýle hem Türkmenistanyň Maliýe we Ykdysadyýet ministrligi «Turkmen Forum» HJ bilen hyzmatdaşlykda çykyş edýär.
Foruma dünýäniň gaz bazaryndaky halkara hünärmenler we esasy bilermenler gatnaşar. Bu çäre, türkmen döwlet edaralary bilen daşary ýurt nebit-gaz kompaniýalarynyň arasynda bilim alyşmak, ösdürmek we hyzmatdaşlygy berkitmek üçin platforma bolup hyzmat eder.
Çäräniň dowamynda ýangyç-energetika toplumynyň ösüşindäki ählumumy we sebitleýin ýörelgeler, şeýle hem bu ugurda sebit taslamalaryny durmuşa geçirmegiň meseleleri ara alnyp maslahatlaşylar. Hazar deňziniň türkmen bölegine maýa goýumlaryny çekmek we gaz himiýa taslamalarynyň geljegi aýratyn üns merkezinde bolar.
Foruma gatnaşyjylaryň arasynda halkara guramalarynyň we edaralarynyň wekilleri, şol sanda PETRONAS, Dragon Oil PLC, Hytaý Milli Nebit Korporasiýasy (CNPC), Hyundai Engineering, Shell, Gaffney, Cline & Associates (GaffneyCline) ýaly öňdebaryjy nebit we gaz kompaniýalarynyň ýolbaşçylary we hünärmenleri, NAPECO, Vitol we Azerbaýjan Respublikasynyň Döwlet nebit kompaniýasy (SOCAR), şeýle hem iri maliýe guramalarynyň öňdebaryjy hünärmenleri gatnaşar.
PETRONAS Çarigali (Türkmenistan) Sdn. Bhd. Türkmenistandaky işine ýigrimi ýyldan gowrak ozal Hazar deňziniň Türkmen sektoryndaky "Blok 1"-iň çäginde önümi paýlaşmak hakynda şertnamasyna gol çekip başlady. 2009-njy ýylda Diýarbekir ýatagynda täjirçilik nebit önümçiliginiň we 2011-nji ýylda Magtymguly ýatagynda tebigy gaz önümçiliginiň başlamagy bilen bu kompaniýa Türkmenistanda uglewodorod öndürijileriniň we tebigy gaz üpjün edijileriniň birine öwrüldi.
Şeýle hem, kompaniýa bilime, zehinleri ösdürmäge we mümkinçilikleri ýokarlandyrmaga uly ähmiýet berýär. Hemaýatkärlik maksatnamasyna laýyklykda şu güne çenli Türkmenistandan 162 talyp Malaýziýada ýörite bilim aldy. Häzirki wagtda 640 işgäri PETRONAS Çarigali (Türkmenistan) Sdn. Bhd. ýerli hünärmenlerdir.
2013-nji ýylda Türkmenistanyň Halkara nebit we gaz uniwersiteti bilen PETRONAS-yň eýeçiligindäki PETRONAS Tehnologiýa Uniwersitetiniň (UTP) arasynda özara düşünişmek hakynda Ähtnama gol çekildi. Bu resminama nebit-gaz pudagynda bilim we gözleg işlerinde tejribe alyşmaga gönükdirilendir.
Türkmen tebigy gazyny swap usuly arkaly Türkiýä eksport etmegiň meseleleri maslahatlaşyldy
Türkmen halkynyň Milli Lideri Gurbanguly Berdimuhamedowyň Prezident Rejep Taýyp Ärdogan bilen geçiren duşuşygynyň barşynda Türkiýä türkmen elektrik energiýasyny eksport etmek, dostlukly ýurda türkmen tebigy gazyny “swap” usuly arkaly ibermek bilen baglanyşykly meselelere seredildi.
Serdar Berdimuhamedow we ŞHG-niň Baş sekretary energetika, ulag ulgamlarynda Türkmenistanyň täze başlangyçlaryny maslahatlaşdy
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda gelen hormatly Prezidentimiz Serdar Berdimuhamedow bu halkara düzümiň Baş sekretary Çžan Min bilen duşuşykda energetika we ulag ulgamlarynda anyk başlangyçlaryny öňe sürdi diýip, Türkmenistanyň Döwlet habarlar agentligi habar berýär.
Si Szinpin we Serdar Berdimuhamedow ýangyç-energetika toplumynda giň gerimli hyzmatdaşlygy ösdürmegi ylalaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda baran Türkmenistanyň Prezidenti Serdar Berdimuhamedow bilen Hytaý Halk Respublikasynyň Başlygy Si Szinpiniň arasynda geçirilen duşuşykda gaz ulgamynda, ulag we beýleki ugurlarda türkmen-hytaý gatnaşyklarynyň ösüşiniň geljegi ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň we Russiýanyň Prezidentleri ŞHG sammitiniň çäklerinde döwletara hyzmatdaşlygy giňeltmegiň meselelerini maslahatlaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkant şäherine gelen Serdar Berdimuhamedow Russiýa Federasiýasynyň Prezidenti Wladimir Putin bilen duşuşdy. Bu barada Türkmenistanyň Döwlet habarlar agentligi habar berýär.
Türkmenistan we Türkiýe gaz ulgamynda hyzmatdaşlyk etmek hakynda resminamalara gol çekdiler
Türkmenistan we Türkiýe gaz ulgamynda hyzmatdaşlyk etmek hakynda resminamalara gol çekdiler diýip, ýurdumyzyň DIM-niň resmi saýtynda habar berilýär.