Haldor Topsоe — Halkara nebitgaz maýa goýum forumynyň bürünç hemaýatkäri
17:07 11.05.2021 5857
Daniýanyň Haldor Topsoe kompaniýasy 12-nji maýda Aşgabatda Türkmenistanyň garaşsyzlygynyň 30 ýyllygyna bagyşlanyp geçiriljek ýurduň nebitgaz pudagyna daşary ýurt maýa goýumlaryny çekmek boýunça halkara forumynyň bürünç hemaýatkäri bolar.
Kompaniýa tarapyndan işlenip düzülen TIGAS tehnologiýasy esasynda Ahal welaýatynyň Owadandepe şäherçesinde Tebigy gazdan ekologiýa taýdan arassa benzin öndürýän dünýädäki ilkinji zawod guruldy. 2019-njy ýylyň iýun aýynda ulanylmaga berlen bu toplum, EURO-5 standartyna laýyk gelýän 600 müň tonna ekologiýa taýdan arassa sintetik ECO-93 benzini, şeýle hem ugurdaş önümlerden 115 müň tonna suwuklandyrylan gaz, şeýle hem 12 müň tonna düzüminde kükürt bolmadyk dizel ýangyjyny öndürmek üçin niýetlenendir.
Gazbenzin ulanylanda 50 esse az kükürt, 3,5 esse az benzol, beýleki ysly uglewodorodlar 20% az bolup, daşky gurşawa zyýanly gazlaryň ýaýramagyny ep-esli azaldyp biler.
Owadandepdäki GTG zawody halkara guramalarynyň birnäçe şahadatnamalary bilen sylaglanyldy, şol sanda «Guinness World Records» kompaniýasynyň «Tebigy gazdan benzin öndürmek boýunça dünýäde ilkinji zawod» Şahadatnamasy, ABŞ-nyň daşky gurşawy goramak gaznasyndan «Ekologiýa taýdan arassa» Şahadatnamasy, Şweýsar federal tehnologiýa institutynyň «Innowaion tehnologiýalar» Şahadatnamasy bilen sylaglanyldy.
Ýakynda geçiriljek forumda Haldor Topsoe-nyň wekili "Uglewodorod monetizasiýasy pudagyndaky maýa goýum taslamalary - geljege göz aýlamak" atly sessiýada çykyş etmegi we kompaniýanyň Türkmenistandaky we dünýädäki taslamalary barada gürleşmegi meýilleşdirýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.