Arzuwlaryň wysaly sen, Aşgabat!

13:30 26.05.2021 20520

https://oilgas.gov.tm/storage/posts/2267/original-160f12221a1dfc.jpeg

Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň taýsyz tagallalary bilen ýurdumyzyň ýüregi bolan Aşgabat dünýäniň iň owadan şäherleriniň birine öwrüldi. Ak mermere örtülen beýik binalary we ajaýyp ymaratlary bilen gözelleşýän, dünýäni haýrana goýýan Aşgabat bagtyýarlyk döwrümiziň keşbini janlandyrýar.  

Gahryman Arkadagymyzyň öňdengörüjilikli aladalary netijesinde ak şäherimiz Aşgabat täze keşbe beslendi. Alnyp barylýan giň gerimli şähergurluşyk maksatnamasy boýunça paýtagt şäherimiz täze, döwrebap, ýokary tehnologiýalar, döwrebap enjamlar bilen enjamlaşdyrylan binalar, desgalar bilen öz çägini has-da giňeldýär. Ginnesiň Bütindünýä rekordlar kitabynda mynasyp orun eýeleýän, abraýly halkara guramalarynyň, ýokary derejeli hünärmenleriň, syýahatçylaryň, myhmanlaryň mynasyp bahasyna eýe bolýan paýtagtymyz ýaşamak, dynç almak, netijeli zähmet çekmek üçin ähli eşretleri özünde jemleýär. Gurlup, ulanylmaga berilýän ajaýyp desgalarynyň içki-daşky, tehniki gurluşy, milli aýratynlyklarymyz, häzirki zaman binagärlik-gurluşyk ýörelgeleri bilen tapawutlanýan Aşgabat Aziýanyň merjen şäherine öwrüldi.

«Türkmenistan — parahatçylygyň we ynanyşmagyň Watany» ýylynda hormatly Prezidentimiziň taýsyz tagallasy bilen amala aşyrylýan işler ýurdumyzy ykdysady, syýasy we medeni taýdan täze derejelere çykarýar. «Döwlet adam üçindir!» diýen ýörelgä laýyklykda geçirilýän bu işler ýurdumyzyň ähli künjekleriniň, şol sanda Aşgabadyň dünýä nusgalyk derejede ösmegine, özgermegine alyp barýar. Aşgabat gün-günden gözelleşýän keşbi, owadan binalary, ýurdumyzy hem-de tutuş sebiti gurşap alýan toý-baýramlary bilen ildeşlerimiziň, myhmanlaryň göwünlerini göterýär.

«Türkmenistan — parahatçylygyň we ynanyşmagyň Watany» ýylynda Aşgabat şäheriniň esaslandyrylmagynyň 140 ýyllyk şanly toýy dabara, joşgun bilen agzybirlikde giňden bellenilip geçildi. Şol gün döwlet Baştutanymyzyň Kararyna laýyklykda ak mermerli şäherimizde ulag hyzmatlaryny ýokary hilli ýerine ýetirmek üçin «Hyundai All New Super Aero City» kysymly awtobuslaryň hem-de «Toyota Сorolla» kysymly ýeňil taksi awtoulaglarynyň köpsanlysy işe girizildi. Baýramçylyk güni işe girizilen bu ulaglaryň ýolagçylara tölegsiz hyzmat etmegi aşgabatlylaryň we paýtagtymyzyň myhmanlarynyň baýramçylyk ruhuny has-da belende göterdi. Şol gün Gündogaryň merjen şäheri Aşgabadyň Bagtyýarlyk etrabynyň Çoganly ýaşaýyş toplumynda 140 sany 2 gatly täze kottej ýaşaýyş jaýlarynyň açylyş dabarasy, şeýle hem «Aşgabat siti» täze döwrebap şäheriň gurluşygynyň düýbüniň tutulmagy buýsançly wakalara öwrüldi.

Gahryman Arkadagymyzyň parasatly baştutanlygynda ata Watanymyz, ýurdumyzyň paýtagt şäheri merjen Aşgabat dünýä ülňülerine laýyklykda ösdürilýär. Ýagty geljegi nazarlaýan bu özgertmeler mähriban halkymyzyň eşretli durmuşyny, bagtyýarlygyny, asudalygyny alamatlandyrýar. Goý, ýurdumyzy we ak şäherimiz Aşgabady ynsanperwerligiň, tämizligiň hem-de kämilligiň merkezine öwren milli Liderimiziň jany sag, ömri uzak, döwlet ähmiýetli işleri hemişe rowaç bolsun!

Döwlet EÝEBERDIÝEW,
Türkmen döwlet binagärlik-gurluşyk institutynyň talyby.

Başga makalalar
162fb2f587e8f1.jpeg
Gaz üpjünçiliginde bökdençlik bolmaz

Gyş pasly ýurdumyzyň bagtyýar raýatlaryna döwletimiz tarapyndan berilýän eşretleriň biri bolan tebigy gazyň ýylyň beýleki pasyllaryna garanyňda köp sarp edilýän döwri hasaplanylýar. Şoňa görä, «Marygazüpjünçilik» müdirliginiň şäher, etrap gaz hojalyk edaralarynyň gazçylary jogapkärli möwsümde gaz üpjünçiliginde bökdençligiň bolmazlygy üçin häzirki günlerden öz işlerini takyk hem-de sazlaşykly guraýarlar. «Maryşähergaz» gaz hojalyk edarasynyň gazçylarynyň işlerem şonuň bir mysalydyr.


165eeb41e62789.jpg
Gaz akdyryjylaryň rowaçly gadamlary

«Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň gazçylary «Döwletabat — Derýalyk» ugry boýunça türkmen gazynyň dünýä bazaryna çykarylmagy ugrunda hem-de ýurdumyzyň demirgazyk welaýatynyň ilatynyň gymmatly «mawy ýangyç» bilen ýokary derejede üpjün edilmegi babatda nusgalyk işleri alyp barýarlar.


162fb2f9a4625b.jpeg
Geljege gönükdirilen gerimli işler

— Hormatly Prezidentimiz halkyň bähbidini hemme zatdan ileri tutýar, ilatyň abadan durmuşda ýaşamagyna gönükdirilen çäreleri üstünlikli durmuşa geçirýär. Şonuň netijesinde düýpli özgerişler bolup geçýär. Bu diýýänlerime biziň etrabymyzyň mysalynda hem doly göz ýetirmek bolýar. Garaşsyzlyk ýyllarynda diňe ilatly ýerleri gazlaşdyrmak bilen baglanyşykly ýerine ýetirilen işler-de haýran galdyryjydyr.


16459ebf62d07a.jpg
Enjamlara ikinji ömür berilýär

Hormatly Prezidentimiziň milli ykdysadyýetimiziň esasy pudagy bolan nebitgaz ulgamyny döwrebap ösdürmek, uglewodorod çig malynyň çykarylyşyny artdyrmak, onuň sarp edijilere üznüksiz ýetirilmegini üpjün etmek boýunça öňde goýýan möhüm wezipeleriniň ýerine ýetirilmegine «Türkmengaz» döwlet konserniniň iri önümçilik düzümi bolan «Marygazçykaryş» müdirliginiň gazçylary saldamly goşant goşýarlar. Şunda müdirligiň hyzmat ediş gullugynyň edara-kärhanalarynyň zähmet adamlarynyň hem mynasyp paýy bar.


162fb2f232aa9a.jpeg
Ynamly gadamlar bilen

Şu ýylyň ýedi aýynda gazanylan önümçilik görkezijileri «Halkyň Arkadagly zamanasy» ýylynyň oňat netijeler bilen jemlenjekdigini çaklamaga esas berýär. Bu babatda «Türkmengaz» döwlet konserniniň «Lebapgazçykaryş» müdirliginiň agzybir işgärleriniň bitirýän işleri öwgä mynasypdyr.