Daşoguz welaýatynyň gaz üpjünçilik torlaryna ýokary derejede ideg edilýär
09:03 14.06.2021 8247
«Daşoguzgazüpjünçilik» müdirliginiň gaz hojalyk edarasynyň işgärleri welaýatyň gaz üpjünçilik we gaz paýlaýjy torlaryna ýokary derejede ideg edýärler. Kärhanada ýöriteleşdirilen işleriň ähli görnüşlerini geçirmäge mümkinçilik berýän önümçilik binýady döredildi. Onuň hünärmenleri dürli basyşly 1210 km gaz torlaryna, şeýle hem 513 sany gaz paýlaýjy we gaz sazlaýjy enjamlara ideg edýärler.
Belläp geçsek, welaýatyň çäklerinde ideg edilýän gaz torlarynyň uzynlygy barha artýar, şeýle hem gaz bilen üpjün edilen öýleriň we kärhanlaryň sany barha ýokarlanýar.
«Türkmengazüpjünçilik» birleşiginiň Daşoguz welaýatynyň gazlaşdyrmak boýunça gurluşyk-gurnama müdirligi täze ilatly nokatlaryň gaz geçirijilerine we gaz ulanyjy enjamlaryna üstünlikli ideg işlerini geçirýärler.
Netijede, Gurbansoltan eje şäherinde tebigy gazyň geçirijilik ukybyny ýokarlandyrmak maksady bilen 219 mm diametrli gaz geçirijisiniň düýpli abatlaýyş işleri geçirildi. Hakykat geňeşliginde şular ýaly işler 57 mm diametrli pes basyşly gaz geçirijide ýerine ýetirildi.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.