«Merkezi Aziýa + Ýaponiýa» Dialogynyň çäklerinde Türkmenistan bilen Ýaponiýanyň hyzmatdaşlygynyň ileri tutulýan ugurlary maslahataşyldy
03:00 18.06.2021 2733
Çarşenbe güni «Merkezi Aziýa + Ýaponiýa» Dialogynyň çäklerinde resmi wekilleriň wideoaragatnaşyk arkaly 14-nji mejlisi geçirildi. Bu çärede Türkmenistanyň Daşary işler ministriniň orunbasary Wepa Hajiýew Türkmenistana wekilçilik etdi diýip, ýurdumyzyň daşary syýasat edarasynyň saýty habar berýär.
Ýaponiýanyň DIM-niň Ýewropa işleri boýunça Býuronyň Baş direktorynyň orunbasary, ministriň kömekçisiniň orunbasary Şuiçi Tokuda mejlisi açyp, bu formatyň döwletleriniň arasynda howpsuzlyk, durnukly ösüş, söwda-ykdysady we medeni-ynsanperwer gatnaşyklary ilerletmek bilen bir hatarda, özara hereketleriň giň toplumyny özünde jemleýän hyzmatdaşlygyň ähmiýetini belledi.
Mejlisiň barşynda “Merkezi Aziýa + Ýaponiýa” Dialogynyň Daşary işler ministrleriniň soňky mejlisinden bäri amala aşyrylan bilelikdäki işleriň netijelerine syn berildi. Dialogyň täze konsepsiýasynyň ileri tutulýan ugurlaryna, şeýle-de öňde boljak “MA + Ýaponiýa” Dialogynyň Daşary işler ministrleriniň duşuşygynyň meýilnamasynyň we gün tertibiniň taslamalaryna seredildi. Mejlise gatnaşyjylar Dialogyň çäklerinde hyzmatdaşlygy ösdürmek bilen bagly öz garaýyşlaryny paýlaşdylar.
Türkmenistanyň Daşary işler ministriniň orunbasary Wepa Hajiýew öz çykyşynda Dialogyň çäklerinde hyzmatdaşlygy ösdürmek babatda türkmen tarapynyň gyzyklanmasyny tassyklady. Ol bilelikdäki hereketlere syn berdi we hyzmatdaşlygyň geljekki ugurlary barada gürrüň berdi. Şunuň bilen baglylykda, saglygy goraýyş ulgamynda, ykdysadyýeti dikeltmek boýunça özara gatnaşyklary berkitmekde we pandemiýanyň jemgyýetçilik-ykdysady täsirlerine garşy göreşmekde hyzmatdaşlygy giňeltmäge Türkmenistanyň ygrarlydygyny belledi.
Türkmenistanyň Daşary işler ministriniň orunbasary “MA + Ýaponiýa” Dialogynyň indiki Daşary işler ministrleriniň duşuşygynyň gün tertibinde görkezilen türkmen tarapynyň ozal yglan eden başlangyçlaryny ýatlatdy.
Hususan-da, Türkmenistanyň MA döwletleri bilen Ýaponiýanyň arasynda howpsuzlyk, ýokary tehnologiýalar we sanlylaşdyrmak, ykdysady gatnaşyklar, söwda, maýa goýum, aragatnaşyk we beýleki ulgamlarda hyzmatdaşlygy giňeltmek ugrunda çykyş edýändigi bellenildi. Howpsuzlyk barada aýdylanda bolsa, onuň bitewülik ýörelgesine eýermek bilen, Türkmenistan häzirki zamanyň howplaryna we wehimlerine garşy göreşmekde bilelikdäki tagallalara goşulmagyň möhümdigine ynam bildirýär.
Türkmen tarapy gaýtadan dikeldilýän energiýa çeşmeleri, ykdysadyýetiň dekarbonizasiýasy, ýokary hilli ekologik taýdan arassa önümleri öndürmek babatda bilelikdäki taslamalary işläp taýýarlamagy goldaýar.
Şu nukdaýnazardan, maýa goýum we maliýeleşdirmegiň meselelerini öwrenmegiň möhümdigi bellenildi. Ekologik düzümi göz öňünde tutup, häzirki zaman ýokary tehnologiýalary döretmek boýunça Türkmenistan bilen Ýaponiýanyň işjeň hyzmatdaşlyk edýändikleri bellenildi.
Şu we özara gyzyklanma bildirilýän beýleki meselelere “Merkezi Aziýa + Ýaponiýa” Dialogynyň Daşary işler ministrleriniň öňde boljak mejlisinde serediler.
Türkmenistan Owganystanyň sebitlerini elektrik energiýasy bilen üpjün etmegini dowam edýär — DIM
Türkmenistan häzirki hereket edýän şertnamalaryna laýyklykda goňşy Owganystana elektrik energiýasynyň üpjünçiligini dowam edýär diýip, Türkmenistanyň DIM-niň saýty habar berýär.
Birža söwdalarynda ýangyç-energetika toplumynyň önümleri içerki we daşarky bazara iberildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 32-si hasaba alyndy.
Pakistanyň DIM-niň ýolbaşçysy Türkmenistanyň ýolbaşçy düzümi bilen Owganystandaky ýagdaýy maslahatlaşdy
Owganystandaky ýagdaý we sebitde parahatçylygy we durnuklylygy saklap galmak maksady bilen sebit özara hyzmatdaşlygyny işjeňleşdirmek boýunça mundan beýläkki hereketler penşenbe güni Türkmenistanyň Prezidenti Gurbanguly Berdimuhamedowyň Pakistanyň daşary işler ministri Şah Mahmud Kureşi bilen duşuşygynda maslahatlaşyldy. Pakistanyň DIM-niň ýolbaşçysy sapar bilen Türkmenistana geldi diýip, ýurdumyzyň daşary syýasat edarasynyň saýty habar berýär.
Türkmenistanda 2024-nji ýylyň başyndan bäri pudaklaryň işiniň netijeleri jemlenildi
12-nji iýulda Prezident Serdar Berdimuhamedow Ministrler Kabinetiniň giňişleýin mejlisini geçirdi. Onda ykdysadyýetiň pudaklarynda şu ýylyň geçen alty aýynda alnyp barlan işleriň jemleri jemlenildi, ýurdumyzy durmuş-ykdysady taýdan ösdürmek boýunça kabul edilen maksatnamalaryň ýerine ýetirilişi ara alnyp maslahatlaşyldy. Şeýle hem ýolbaşçylary wezipä bellemek we wezipeden boşatmak bilen bagly meselelere seredilip, şu ýylyň ikinji ýarymynda öňde duran wezipeler kesgitlenildi. Bu barada TDH habar berdi.
Türkmen-owgan serhedinde gözegçilik-geçiriş nokatlarynyň bökdençsiz işi üpjün edilýär - DIM
Türkmenistan türkmen-owgan serhedindäki gözegçilik-göýberiş nokatlarynyň bökdençsiz işini üpjün etmegi dowam edýär. Bu barada Türkmenistanyň DIM-niň saýty habar berýär.