Gazagystanyň Prezidentiniň Türkmenistana resmi sapar bilen gelmegine garaşylýar
09:23 30.06.2021 3603
Gazagystan Respublikasynyň Prezidenti Kasym-Žomart Tokaýew türkmen kärdeşi Gurbanguly Berdimuhamedow bilen telefon arkaly shbetdeşliginde ikitaraplaýyn hyzmatdaşlygyň meselelerini maslahatlaşdy diýip, Interfaks-Gazagystan gazak Lideriniň metbugat gullugyna salgylanyp habar berýär.
«Ählitaraplaýyn hyzmatdaşlyga amalyýetde itergi bermek üçin Gurbanguly Berdimuhamedow Kasym-Žomart Tokaýewi şu ýyl Türkmenistana resmi sapar bilen gelip görmäge çagyrdy. Onuň çäklerinde birnäçe möhüm resminamalara gol çekmek meýilleşdirilýär. Döwlet Baştutany çakylyk üçin minnetdarlyk bildirdi hem-de şu ýylyň güýzünde Aşgabatda VI Hazar sammitine gatnaşmaga taýýarlygyny mälim etdi» diýlip habarda aýdylýar.
Mundan başga-da, taraplar Merkezi Aziýada sebit hyzmatdaşlygyny işjeňleşdirmek, durnuklylygy we howpsuzlygy üpjün etmek boýunça toplumlaýyn çäreler barada pikir alyşdylar. «Kasym-Žomart Tokaýew Merkezi Aziýa döwletleriniň Baştutanlarynyň nobatdaky Konsultatiw duşuşygyny Türkmenistanda geçirmek barada Gurbanguly Berdimuhaemdowyň başlangyjyny goldady» - diýlip habarda aýdylýar.
Dostlukly döwletiň Baştutany türkmen Liderini doglan güni bilen gutlady we hormatly Prezidentimize berk jan saglyk, abadançylyk hem-de döwlet we jemgyýetçilik işinde uly üstünlikler arzuw etdi.
Belläp geçsek, Prezident Gurbanguly Berdimuhamedowy doglan güni bilen Azerbaýjanyň, Özbegistanyň, Belarusuň, Birleşen Arap Emirlikleriniň we beýleki ýurtlaryň ýolbaşçylary gutladylar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.