Häzirki wagtda Lebap welaýatynyň çäginde täze ilatly nokatlaryň sany barha artýar. Şunuň bilen baglylykda, «mawy ýangyç» bilen üpjün edilýän ilatly nokatlary gazlaşdyrmak işi ýokary depginde alnyp barylýar.

«Lebapgazüpjünçilik» müdirliginiň «Döwletlietraogaz» gaz hojalyk kärhanasynyň zähmetkeşleri bu ugurda iri möçberli işleri ýerine ýetirdiler.

Häzirki wagtda etrabyň çäklerinde 11,2 müň töweregi hususy hojalyklar tebigy gazdan peýdalanmak mümkinçiligine eýe boldular. Kärhananyň gazçylary gaz geçirijileriniň, gaz paýlaýjy we gaz sazlaýjy enjamlaryň ýokary ygtybarlylygyny üpjün edýärler. Ýakynda Hatap obasynyň ýaşaýjylary şatlykly wakanyň şaýady boldular, Obanyň çäginde uzynlygy 6 kilometr barabar bolan gaz geçiriji çekildi. Tebigy gaz ýene-de 20 hojalyga elýeterli boldy.

Şu günki gün kärhananyň işçileri esasan täze ýaşaýyş jaýlaryny gazlaşdyrmak bilen meşgullanýarlar. Gazçylaryň esasy güýçleri gaz geçiriji ulgamlaryň durnukly işlemeginde jemlenýär. Mundan başga-da, hünärmenler tebigy gazdan tygşytly hem-de howpsuz peýdalanmak barada ilat arasynda wagyz-nesihat işlerini yzygiderli geçirip durýarlar.