«Taliban» hereketi TOPH we Owganystandaky beýleki infrastruktura taslamalaryny durmuşa geçirmäge gyzyklanma bildirýär - wekil
15:58 19.08.2021 8267
«Taliban» hereketi Türkmenistan – Owganystan – Pakistan – Hindistan (TOPH) transmilli gaz geçirijisiniň gurluşygyna we ýurtdaky beýleki iri infrastruktura taslamalaryny durmuşa geçirmeklige gyzyklanma bildirýär. Bu barada hereketiň Katardaky syýasy edarasynyň resmi wekili Mohammed Suheýl Şahin sişenbe güni Sky News teleýaýlymyna beren interwýusynda belledi.
«Biziň ýurdumyzda başga-da iri taslamalar bar. TOPH gaz geçirijisiniň, demir ýollaryň gurluşygy we beýlekiler. Biziň syýasy ugrumyz bu taslamalary durmuşa geçirmek boýunça işiň badalga almagyna umyt edýär» - diýip ol aýtdy.
Şeýle hem Şahin, «Taliban» hereketiniň ýurtda işewürligi ösdürmäge, tebigy baýlyklaryny ösdürmäge we iş ýerleri hem-de ykdysady ösüş üçin maýa goýumlary çekmäge gyzyklanma bildirýändigini aýtdy.
Günbatar harby düzümleriň esasy böleginiň Owganystanyň çäginden çykarylmagyndan soňra, «Taliban» hereketi ýurduň tutuş çäginden diýen ýaly gözegçiligini ýola goýdy. 15-nji awgustda hiç hili söweşsiz Kabul eýelendi.
Owganystanyň Prezidenti Aşraf Gani gandöküşikilige ýol bermezlik üçin wezipe borçlaryny goýandygyny we ýurtdan gidendigini aýtdy. Günbatar döwletler öz raýatlaryny we ilçihanalarynyň işgärlerini ýurtdan çykarýarlar.
Ýatlap geçsek, 6-njy awgustda Türkmenistanyň, Gazagystanyň, Gyrgyzystanyň, Täjigistanyň we Özbegistanyň Prezidentleri «Awazadaǧ geçirilen Konsultatiw duşuşykda Owganystandaky ýagdaýy ara alyp maslahatlaşdylar. Şonuň barşynda ýurtdaky ýagdaýyň gysga wagtda kadalaşmagynyň Merkezi Aziýada howpsuzlygy we durnuklylygy berkitmekde möhüm ähmiýetlidigi bellenilip geçildi.
BU barada Konsultatiw duşuşygyň netijeleri boýunça Bilelikdäki Beýannamada aýratyn bellenildi. Resminama laýyklykda, bäş ýurduň ýolbaşçylary owgan jemgyýetinde raýat ylalaşygynyň we parahatçylygyň gazanylmagyna ählitaraplaýyn ýardam etmäge taýýar.
«Şeýle hem Merkezi Aziýa döwletleri Owganystandaky howpsuzlygy we durnuklylygy üpjün etmek, bu ýurduň durmuş-ykdysady infrastrukturasyny dikeltmek we dünýä ykdysady gatnaşyklaryna gatnaşmak üçin goşant goşmaga çalyşýan ähli ýurtlaryň we halkara guramalaryň tagallalaryny goldaýar» diýlip, beýanda aýdylýar.
Şu ýylyň fewral aýynyň başynda Türkmenistanyň DIM-inde «Taliban» hereketiniň wekilleri bilen duşuşyk geçirildi. Gepleşikler tamamlanandan soň, Mohammad Suheýl Şahin Türkmenistandan tarapyndan Owganystanda başy başlanan infrastruktura taslamalaryna, şol sanda TOPH gaz geçirijisiniň gurluşygyna, TOP elektrik geçiriji ulgamyň we Türkmenistan – Owganystan demir ýolunyň dgurluşygyna doly goldawyny beýan etdi.
Şol bir wagtyň özünde ol bu taslamalaryň tiz wagtda gurluşygyna başlanylmagynyň Owganystanyň ykdysady taýdan gülläp ösmegine ýardam etjekdigini nygtady.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.