«Fitch Ratings» agentligi Türkmenistana «В» we «В + durnukly» karz derejelerini berdi
10:41 24.08.2021 6142
«Fitch Ratings» halkara reýting agentligi Türkmenistana şu reýtingleri berdi: “B” derejede gysga möhletleýin reýting we “B + durnukly” derejede uzak möhletleýin reýting. Bu barada Türkmenistanyň DIM-niň Metbugat gullugy habar berdi.
Daşary syýasat edaranyň bellemegine görä, bu reýting Türkmenistanyň milli ykdysadyýetiniň durnukly ösüşine şaýatlyk edýär.
«Türkmenistana berlen bu reýtingler ýurduň daşary ykdysady işini mundan beýläk-de işjeňleşdirmäge we beýleki döwletler bilen söwda-ykdysady gatnaşyklaryny giňeltmäge ýardam eder» - diýip DIM belleýär.
Türkmenistanyň reýtingleri iri gaz ätiýaçlyklary bilen berkidilýän oňyn döwlet we daşary deňagramlylygy nazara alýar, diýip «Fitch Ratings» agentliginiň saýtynda bellenilip geçilýär.
«Durnukly» çaklama «Fitch-iň» energiýa geçirijileriniň bahalarynyň we makroykdysady syýasatyň umuman deňagramly býujete we daşky operasiýalaryň hasabyna laýyk gelmegine garaşýandygyny aňladýar.
2009-njy ýyldan 2015-nji ýyl aralygynda gazyň çykarylyşyny iki esse artdyrylmagy döwlet tarapyndan dolandyrylýan ykdysadyýetiň nusgasyny goldady we häkimiýete býujet we daşarky bufer ätiýaçlyklaryny döretmäge mümkinçilik berdi diýip, agentlik teswirinde belleýär.
Statistika baradaky döwlet komitetiniň maglumatlaryna görä, JIÖ-niň ösüş depgini 2015-2019-njy ýyllarda 6,2%-den 6,5% aralygynda bolup, 2020-nji ýylda 5,9%-e düşdi. COVID-19 pandemiýasynyň Hytaýa gaz satuwyna we iberilmegine täsiri geçen ýylda görkezijilere ýaramaz täsir etdi.
2020-nji ýylyň netijeleri boýunça Türkmenistanyň esasy serişdelerine goýlan maýa goýumlarynyň umumy mukdary 10 milliard ABŞ dollaryndan gowrak bolup, jemi içerki önümiň takmynan 23%-e barabardyr. Ýurdumyzyň Maliýe we ykdysadyýet ministrliginiň maglumatyna görä, maýa goýumlaryň umumy mukdaryndan 60%-den gowragy önümçilik pudagynda taslamalary durmuşa geçirmäge gönükdirildi.
Fitch eksport bahalarynyň we energiýa geçirijileriniň artmagy bilen häzirki operasiýalryň hasaplarynyň gowulanmagyna garaşýar. Hytaýa ibermeler we Russiýa eksportyň artmagy (2019-njy ýylda gaýtadan dikeldilen) 2021-nji ýylda gazyň eksportyny goldar. Nebithimiýa we nebit önümleriniň beýleki görnüşleriniň önümçiliginiň artmagy hem uglewodorodlaryň eksportyny artdyrar diýip, Fitch hasaplaýar.
Geçen anna güni Hökümet mejlisinde Prezident Gurbanguly Berdimuhamedow «Fitch Ratings» agentligi tarapyndan Türkmenistan üçin berlen halkara derejeleriň döwletimiziň halkara maliýe abraýyny ýokarlandyrmaga, ýurdumyza çekilýän maýa goýumlaryň mukdaryny artdyrmaga we karzlaryň şertlerini ýeňilleşdirmäge, netijede, Türkmenistanyň daşary ykdysady işiniň has-da ösmegine ýardam berjekdigini belledi. Munuň özi Türkmenistan üçin örän uly abraýdyr. Şonuň üçin hem Türkmenistana döwürleýin esasda derejeleri almak we ony has-da ýokarlandyrmak boýunça halkara agentlikler bilen zerur işleri mundan beýläk-de yzygiderli alyp barmak babatda wise-premýere anyk tabşyryklar berildi.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.