«Dragon Oil» kompaniýasy — «Türkmenistanyň nebiti we gazy – 2021» Halkara maslahatynyň altyn hemaýatkärleriniň hatarynda
15:29 20.10.2021 15585
Aşgabatda 27-28-nji oktýabrda geçiriljek «Türkmenistanyň nebiti we gazy» XXVI Halkara maslahatyna taýýarlyk işleri şu günlerde ýokary depginde dowam edýär.
Türkmenistanyň Garaşsyzlygynyň 30 ýyllygyna bagyşlanyp geçirilýän bu forumyň guramaçylary bolup «Türkmengaz», «Türkmennebit» döwlet konsernleri we «Türkmengeologiýa» döwlet korporasiýasy GaffneyCline britan kompaniýasynyň goldaw bermeginde «Turkmen Forum» HJ bilen hyzmatdaşlykda çykyş edýär.
Bu abraýly işewürler forumy Türkmenistanyň halkara nebitgaz kompaniýalary bilen hyzmatdaşlygyny ösdürmek we berkitmek maksady bilen ýurdumyzda her ýylda geçirilýär. Maslahatyň dowamynda ýangyç-energetika toplumynyň ösüşiniň soňky dünýä we sebit ýörelgeleri, sebit taslamalarynyň durmuşa geçirilişi, şol sanda TOPH gaz geçirijisiniň gurluşygy, Hazar deňziniň türkmen kenaryna maýa goýumlary çekmek we täze gazhimiýa taslamalarynyň geljegi maslahatlaşylar.
Maslahatyň çäklerinde milli nebitgaz kompaniýalarynyň ýokary ýolbaşçylarynyň, şeýle hem dünýäniň öňdebaryjy nebit kompaniýalarynyň, halkara guramalaryň we maliýe institutlarynyň ýolbaşçylarynyň gatnaşmagynda prezentasiýalar we panel gepleşikleri geçiriler.
Forumyň altyn hemaýatkärleriniň biri hökmünde Türkmenistanyň öňden gelýän hyzmatdaşy — Emirates National Oil Company-nyň (ENOC) golçur kompaniýasy bolan Dragon Oil çykyş eder.
1993-nji ýylda Dragon Oil Hazar deňziniň türkmen kenaryndaky «Çeleken» şertnamalaýyn çäkde känleri barlamak we işläp taýýarlamak, taýýar önümi paýlaşmak boýunça Türkmenistanyň Hökümeti bilen Ylalaşyga gol çekdi.
Kompaniýasynyň esasy iş ugry şertnamalaýyn çäkde ýerleşen Jeýtun we Jygalybeg nebit känlerini işläp taýýarlamaklyga ýöriteleşendir. Bu ýerde Dragon Oil 2000-nji ýyldan bäri öz işini üstünlikli alyp barýar. Bu döwürde operator ulanyş we uzel deňiz stasionar platformalaryny gurdy, onlarça täze guýulary burawlady, bar bolan guýularyň düýpli abatlaýyş işlerini geçirdi, ulgamyň ähli bölümleriniň abatlaýyş we gaýtadan enjamlaşdyryş işlerini geçirdi.
2014-nji ýylda kompaniýa Jygalybeg käninde ulanyş deňiz stasionar platformasynyň gurluşygyny tamamlady we täze guýularyň buraw işlerine başlady.
Häzirki wagta çenli kompaniýanyň işgärler düzümi 2 müň adamdan geçýär, olaryň aglabasy Türkmenistanyň raýatlary.
Kompaniýanyň taslama maýa goýumlarynyň umumy möçberi 7,5 milliard amerikan dollaryna barabar boldy.
2025-nji ýyla çenli Dragon Oil türkmen taslamasynyň çäklerinde nebitiň önümçiligini giňeltmegi we günde 100 müň barrele çenli ýetirmegi meýilleşdirýär.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.