Aşgabatda «Türkmenistanyň nebiti we gazy — 2021» atly XXVI halkara maslahaty öz işine başlady
19:31 27.10.2021 6673
Şu gün günüň ikinji ýarymynda Türkmenistanyň Söwda-senagat edarasynyň binasynda ýurdumyzyň Garaşsyzlygynyň 30 ýyllygyna bagyşlanyp, «Türkmenistanyň nebiti we gazy — 2021» atly XXVI halkara maslahaty öz işine başlady. Bu forumyň guramaçylary bolup «Türkmengaz», «Türkmennebit» döwlet konsernleri we «Türkmengeologiýa» döwlet korporasiýasy GaffneyCline britan kompaniýasynyň goldaw bermeginde «Turkmen Forum» HJ bilen hyzmatdaşlykda çykyş edýär.
Her ýylky maslahat Türkmenistanda eýýäm ikinji ýyl garyşyk görnüşde — ýagny, däp bolan hem-de pandemiýa sebäpli halkara gatnawlaryna çäklendirmeler bilen bagly onlaýn görnüşde geçirilýär. Şonuň üçin hem dünýäniň 32 döwletinden 100-e golaý kompaniýalaryň, halkara guramalarynyň we iri banklaryň wekilleri maslahata onlaýn görnüşde gatnaşýar. Bu bolsa dünýä jemgyýetçiliginiň Türkmenistan bilen nebitgaz ulgamynda özara bähbitli hyzmatdaşlyk gatnaşyklaryna gyzyklanma bildirýändiklerini aňladýar.
Umuman, maslahat 150-den gowrak halkara kompaniýalarynyň, şol sanda CNPC, PETRONAS, ЛУКОЙЛ, DRAGON OIL, SOCAR, ARETI International Group, Yug-Neftegaz Private Limited ýaly iri energetika ägirtleriniň, şeýle hem energetika guramalarynyň wekillerini, iri halkara maliýe institutlarynyň wekillerini jemleýär. Maslahatyň işine 400-den gowrak adam gatnaşýar.
Forumyň başynda Türkmenistanyň Ministrler Kabinetiniň Başlygynyň orunbasary Şahym Abdrahmanow Prezident Gurbanguly Berdimuhamedowyň maslahata gatnaşyjylara iberen Gutlagyny okady.
Soňra energoulgamyň geljegine bagyşlanan plenar mejlis geçirildi. Bu bölümde «Türkmengaz» DK-nyň başlygy, Döwlet ministri Batyr Amanow esasy hasabat bilen çykyş etdi. Onlaýn görnüşde şu gün Nebiti eksport ediji döwletleriň guramasynyň Baş sekretary Barkindo, Ýewropa energetika hartiýasynyň sekretarlygynyň baş sekretary Urban Rusnak, Halkara energetika merkeziniň energetika boýunça baş ykdysatçysy Tim Guld, CNPC-niň prezidenti Hou Siszýun, Socar Trading SA-nyň ýerine ýetiriji direktory Marýam Almaszade çykyş edýär.
Iki günlük forumyň çäklerinde milli nebitgaz kompaniýalarynyň ýokary ýolbaşçylarynyň, şeýle hem dünýäniň öňdebaryjy nebit kompaniýalarynyň, halkara guramalaryň we maliýe institutlarynyň ýolbaşçylarynyň gatnaşmagynda prezentasiýalar we panel gepleşikleri geçiriler.
Aýratyn sessiýalaryň barşynda maslahata gatnaşyjylar şu gün nebitgaz toplumynyň maýa goýum mümkinçiliklerini maslahatlaşarlar, gury ýerlerde maýa goýum taslamalaryna berlen synlary diňlärler.
Ertesi gün Dubaýda (BAE) geçirilýän "EXPO-2020" Bütindünýä sergisine gatnaşyjylar bilen teleköpri gurnalyp, onuň barşynda tebigy gazyň ulanylyşynyň, pes uglerodly energetika geçmegiň çäklerinde energiýanyň dikeldilýän çeşmeleriniň geljegi maslahatlaşylar.
Şeýle hem onlaýn görnüşde daşary ýurt we türkmen nebitgaz kompaniýalarynyň ýolbaşçylarynyň işewür duşuşyklary geçiriler.
«Dostluk» ýatagyny bilelikde özleşdirmek hakynda Ylalaşygy taýýarlamakda öňegidişlik gazanyldy — Türkmenistanyň DIM-i
27-nji ýanwarda «Hazar deňizdäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşygyň» taslamasyny işläp taýýarlamak we ylalaşmak boýunça Bilelikdäki Iş toparynyň dördünji mejlisi geçirildi diýip, Türkmenistanyň DIM-niň saýty habar berýär.
Türkmenistanyň Prezidenti “Türkmengaz”, “Türkmennebit” DK-laryň gurluş düzümini kämilleşdirmek işlerini dowam etdirmegi tabşyrdy
20-nji martda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi.
Türkmenistanyň Prezidenti watandaşlaryny Halkara Nowruz güni bilen gutlady
“Eziz watandaşlar! Sizi ýurdumyzda şatlyk-şowhun bilen bellenilýän Milli bahar baýramy — Halkara Nowruz güni mynasybetli tüýs ýürekden gutlaýaryn” diýip, Türkmenistanyň Prezidentiniň türkmen halkyna gutlagynda aýdylýar.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.