«OGT-2021» bilen «Expo Dubai 2020-niň» gatnaşyjylarynyň arasynda teleköpri geçirildi
16:21 31.10.2021 6005
«Türkmenistanyň nebiti we gazy – 2021» XXVI Halkara maslahatynyň ikinji ýarymynda «Expo Dubai 2020» Bütindünýä sergisine gatnaşyjylaryň arasynda teleköpri guraldy. Oňa gatnaşyjylar häzirki döwrüň ileri tutulýan meseleleriniň biri bolan — tebigy gazy we energiýanyň dikeldilýän çeşmelerini peýdalanmak arkaly pes uglerodly geljege geçmek meselesini maslahatlaşdylar.
Teleköpriniň moderatory hökmünde «TAPI Pipeline Company Limited-iň» ýerine ýetiriji direktory Muhammetmyrat Amanow çykyş etdi.
BAE-den Aşgabatdaky maslahata Dragon Oil-iň baş ýerine ýetiriji direktory Ali Raşid Al Jawran we Türkmenistanyň Dubaýdaky ilçisi S.Garajaýew goşuldy.
Onlaýn mejlisiň dowamynda şeýle hem Beýik Britaniýanyň premýer-ministriniň Türkmenistandaky söwda ilçisi baronessa Emma Nikolsonyň we Dragon Oil-iň aktiwleriniň baş dolandyryjysy Farid Al-Haşminiň wideoýüzlenmesi diňlenildi. Olarda kompaniýanyň Türkmenistandaky işine syn berildi.
Türkmenistanyň möhüm energetika taslamalary teleköprä gatnaşyjylaryň üns merkezinde boldy. Bu taslamalar zyýanly zyňyndylaryň azaldylmagyna düýpli goşant goşup biler. Şunuň bilen baglylykda, Türkmenistan – Owganystan – Pakistan – Hindistan gaz geçirijisiniň taslama gatnaşyjy döwletleriň ösüp barýan ykdysadyýetini arzan hem ekologik energiýa bilen üpjün edip biljekdigi, resmi Aşgabadyň wodorod energetikasy ulgamyndaky başlangyçlarynyň bolsa pes uglerodly geljege geçişi tizleşdirjekdigi nygtaldy.
Şeýle hem ýel generatorlarynyň we Gün batareýalarynyň bahasynyň aşaklamagy, olaryň tehniki taýdan kämilleşdirilmegi energiýanyň bu dikeldilýän çeşmeleriniň ählumumy energoulgamda möhüm orun eýelemäge ukyplydygyny görkezdi.
Baronessa Emma Nikolson foruma gatnaşyjylara wideoýüzlenmesinde Beýik Britaniýanyň Türkmenistan bilen ykdysady hyzmatdaşlygynyň , hususan-da, arassa energetika ulgamynda hyzmatdaşlygynyň mundan beýläkki ösüşini nähili görýändigini beýan etdi.
Nikolsonyň pikiriçe, Türkmenistanda pes zyňyndyly ykdysadyýete geçmek we pes uglerodly ösüşi gazanmak üçin ägirt uly mümkinçilik bar, şeýle hem energiýanyň dikeldilýän çeşmelerini, ýel energiýasyny, Gün energiýasyny ornaşdyrmak üçin şertler bar.
Şunuň bilen baglylykda, Nikolson ýaşyl energetikanyň iki ýurduň hyzmatdaşlygynyň ileri tutulýan ugry bolup biljekdigini nygtady.
Şeýle hem teleköpriniň barşynda beýleki möhüm meselelere garaldy, şol sanda ählumumy energetika geçişiň ýörelgeleri we seljermesi, bu hadysada sanlylaşdyrmanyň orny, geljegiňýangyjy hökmünde wodorodyň ýangyç hökmünde ulanylmagy, arassa energiýa geçmekde tebigy gazyň orny dogrusynda maslahat edildi.
Şeýlelikde, iki sany iri halkara forumyň arasynda ilkinji gezek guralan wideomaslahat daşky gurşawy goramak we howanyň üýtgemegi ulgamynda netijeli çäreleri işläp düzmäge ýardam etdi.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
Hyzmatdaşlygymyzyň mundan beýläk-de giňeldilmegi Russiýanyň we Türkmenistanyň bähbitlerine doly laýyk gelýär – Mihail Mişustin
Russiýa Federasiýasynyň Hökümetiniň Başlygy Mihail Mişustin hyzmatdaşlygyň mundan beýläk-de giňeldilmeginiň Russiýanyň we Türkmenistanyň bähbitlerine doly laýyk gelýändigine berk ynanýandygyny beýan etdi. Bu barada ol Nowruz baýramy mynasybetli Prezident Serdar Berdimuhamedowa iberen gutlagynda belleýär.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
“Ýewropa Bileleşigi — Merkezi Aziýa” ministrler duşuşygynda köpugurly hyzmatdaşlygyň geljegi maslahatlaşyldy
27-nji martda Aşgabat şäherinde geçirilen “Merkezi Aziýa – Ýewropa Bileleşigi” 20-nji ministrler duşuşygynda syýasy-diplomatik, söwda-ykdysady we medeni-ynsanperwer ugurlarda köptaraplaýyn hyzmatdaşlyga degişli meseleleriň giň toplumy ara alnyp maslahatlaşyldy diýip, Türkmenistanyň DIM-nde habar berdiler.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.