Nebitgaz we ulag — Türkmenistanyň hem-de Gazagystanyň hyzmatdaşlygynyň ileri tutulýan ugurlary
09:30 22.12.2021 10714
Nebitgaz we ulag ulgamlarynda hyzmatdaşlyk Türkmenistan bilen Gazagystanyň ikitaraplaýyn we köptaraplaýyn özara gatnaşyklarynyň ileri tutulýan ugry hökmünde bellenildi. Bu barada Ykdysady, ylmy-tehniki we medeni hyzmatdaşlyk boýunça Hökümetara türkmen-gazak toparynyň nobatdaky 11-nji mejlisinde belledildi. Mejlis 20-nji dekabrda Aşgabatda geçirildi diýip, Türkmenistanyň daşary syýasat edarasynyň saýty habar berýär.
Duşuşyk türkmen tarapyndan Ministrler Kabinetiniň Başlygynyň Orunbasary Ç.Gylyjowyň we gazak tarapyndan – Premýer-ministriň orunbasary R.Sklýaryň başlyklyk etmeginde geçirildi.
Duşuşyga iki ýurduň birnäçe ministrlikleriniň hem-de pudak edaralarynyň ýolbaşçylary we wekilleri hem gatnaşdylar. Mejlisiň gün tertibine bar bolan döwletara ylalaşyklarynyň durmuşa geçirilişi, şol sanda Türkmenistanyň we Gazagystanyň arasyndaky önjeýli gatnaşyklary has-da ösdürmegiň ileri tutulýan ugurlary bilen bagly bolan meseleleriň giň toplumy girizildi.
Nebitgaz we ulag-kommunikasiýa ulgamlaryndaky hyzmatdaşlyk taraplaryň ikitaraplaýyn we köptaraplaýyn özara hereketleriniň ileri tutulýan ugurlarynyň hatarynda öňe çykaryldy. Şu nukdaýnazardan, söwda-ykdysady, energetika we ulag-logistika, oba hojalygy, azyk hem-de gaýtadan işleýän senagat ulgamlaryndaky netijeli gatnaşyklarynyň has hem işjeňleşdirilmeginiň zerurlygy nygtaldy.
Ykdysady, ylmy-tehniki we medeni hyzmatdaşlyk boýunça Bilelikdäki hökümetara türkmen-gazak toparynyň işiniň netijeleri boýunça jemleýji teswirnama gol çekildi.
Hökümetara toparynyň nobatdaky mejlisiniň çäklerinde şeýle-de iki ýurduň ministrlikleriniň we pudak edaralarynyň ýolbaşçylarynyň hem-de wekilleriniň ikitaraplaýyn duşuşyklary geçirildi. Önjeýli gepleşikleriň barşynda häzirki hereket edýän sanitar kadalarynyň nazarda tutulmagy bilen, söwda-ykdysady gatnaşyklarynyň çuňlaşdyrylmagy, eksport-import amallarynyň artdyrylmagy hem-de özara üpjün edilýän harytlaryň we hyzmatlaryň sanynynyň, göwrüminiň giňeldilmegi boýunça ylalaşylan geljekki çäreleriň ýygjam durmuşa geçirilmeginiň zerurlygy beýan edildi.
TNGIZT-niň täze önümi ýurduň ekologiýa abadançylygyna düýpli goşant bolar
Türkmenbaşynyň nebiti gaýtadan işleýän zawodlar toplumy А-98 kysymly täze awtobenziniň senagat önümçiligini taýýarlamak boýunça toplumlaýyn işleri geçirýär.
Gazy eksport ediji ýurtlaryň forumy 2050-nji ýyla çenli Türkmenistanda gaz çykarylyşynyň iki esse artmagyny çaklaýar
Gazy eksport ediji ýurtlaryň forumynyň (GECF) Baş sekretary Muhammet Hamel Türkmenistanyň ykdysadyýetine daşary ýurt maýa goýumlaryny çekmek boýunça Malaýziýada geçirilen halkara forumda (TEIF 2025) eden çykyşynda dünýäde ikinji uly gaz ýatagynyň işjeň ösdürilmegi we turba geçirijileriň giňeldilmegi bilen, Türkmenistanyň gaz çykarylyşyny 2050-nji ýyla çenli iki esse ýokarlandyryp, ýylda 150 milliard kub metre çenli ýetirip biljekdigini belledi.
Türkmen geofizikleriniň netijeli işi geljegi uly nebitgaz ýataklaryny ýüze çykarmaga ýardam edýär
Mälim bolşy ýaly, şu ýylyň 13-nji ýanwarynda Balkan welaýatyna iş saparynyň çäklerinde Prezident Gurbanguly Berdimuhamedow «Uzynаda» känine baryp gördi we nebitgaz toplumyny mundan beýläk-de ösdürmek hem-de ýurdumyzyň baý çig mal binýadyny özleşdirmek boýunça maslahat geçirdi.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.
Wekilbazar nebit önümleri kärhanasynda metal çelekleriň üçüsi ulanylmaga berildi
«Türkmennebitönümleri» baş müdirliginiň Hojalyk hasaplaşygyndaky abatlaýyş-gurluşyk müdirliginiň Mary welaýat şahamçasynyň gurluşykçylary üç müň kub metrden köpräk nebit önümlerini saklamaklyga niýetlenilen uly göwrümli täze metal çelekleriniň üçüsini Wekilbazar nebit önümleri kärhanasynda ýokary hilli gurup, ulanmaga berdiler. Munuň özi kärhana gelip gowuşýan nebit önümlerini ygtybarly saklamaklyga hem-de goýbermeklige mümkinçilik berer. Bu bolsa kärhana gelip gowuşýan ýangyç hem çalgy ýaglaryny bökdençsiz kabul etmek ugrunda edilýän aladanyň bir mysalydyr.