Seýdiniň nebiti gaýtadan işleýän zawodynyň üstünlikleri
12:03 23.12.2021 8894
Seýdiniň nebiti gaýtadan işleýän zawody ynamly ädimler bilen ösüşiň täze belentliklerine barýar. Muňa kärhananyň şu ýylda gazanýan üstünlikleri aýdyňlygy bilen şaýatlyk edýär.
Şu ýylyň 11 aýynda zawodda 464,5 müň tonna çig mal gaýtadan işlenildi, şol bir wagtda meýilnamanyň ýerine ýetirilişi 110%-e deň boldy. Geçen ýylyň degişli döwri bilen deňeşdirilende ösüş depgini 105,3 göterime deň boldy.
Çig malyň gaýtadan işlenilmegi netijesinde 202,7 müň tonna benzin, 123,4 müň tonna dizel ýangyjy, 22,5 müň tonna mazut, 31,7 müň tonnadan gowrak ýol bitum we isleg bildirilýän beýleki önümler öndürildi we sarp edijilere ýetirildi.
Belläp geçsek, önümleriň aglaba bölegi eksporta iberilýär. Şu ýylda dizel ýangyjyndan peýdalanýanlaryň hataryna Russiýa, Özbegistan, Täjigistan goşuldy. Agyr wakuum gazoýl ýewropa bazarlaryndan üstünlikli peýdalanylýar.
Zawodyň işgärleriniň durmuş-hojalyk şertleri gowulandyrylýar we önümçilik şertleri ýokarlandyrylýar. Häzirki wagtda iki sany ýaşaýyş jaýynyň gurluşygy tamamlanyp barýar. Bu diýmek, eýýäm ýakyn wagtda nebitçileriň maşgalalary täze jaýlara göçüp bararlar.
Nebiti gaýtadan işleýän zawodlar toplumynyň önümleri birža söwdalarynyň öň hatarynda
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 103-si hasaba alyndy.
BMG-niň Baş sekretary Türkmenistana sapar bilen geldi
Düýn günüň ikinji ýarymynda Birleşen Milletler Guramasynyň Baş sekretary Antoniu Guterriş türkmen paýtagtyna sapar bilen geldi. Aşgabadyň Halkara howa menzilinde abraýly halkara guramanyň ýolbaşçysyny türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow garşylady. Bu ýerde resmi wekiliýetler zalynda Gahryman Arkadagymyzyň BMG-niň Baş sekretary bilen söhbetdeşligi boldy. Bu barada TDH habar berýär.
Daewoo E&C Türkmenistan bilen strategiki gatnaşyklaryny berkidýär
«Daewoo Engineering & Construction Co., Ltd» koreý kompaniýasynyň müdiriýetiniň başlygy Jong Won-ju täze işewürlik mümkinçiliklerini maslahatlaşmak hem-de kompaniýanyň Merkezi Aziýada ornuny berkitmek üçin 26-30-njy iýun aralygynda Türkmenistana sapar bilen geldi diýlip, kompaniýanyň 1-nji iýulda çap edilen beýanynda aýdylýar.
Owganystana iberilen ynsanperwer kömegiň içinde 20 sany demir ýol çeleklerinden ybarat nebit önümleri bar
Sişenbe güni Türkmenistandan goňşy Owganystana azyk, dokma, hojalyk harytlaryndan, şeýle-de nebit önümlerinden ybarat bolan ynsanperwer kömegi ugradyldy diýip, Türkmenistanyň daşary syýasat edarasynyň saýty habar berýär.
«Türkmengaz» DK-nyň «Merw» toparynyň futbolçylary 22-nji awgustda «Hujand» täjik topary bilen duşuşar
Tamamlanyp barýan hepdäniň möhüm wakalarynyň biri hem, AFK-2023/24 Kubogynyň Merkezi zolakdaky deslapky tapgyry boldy. Ol duşuşyk Mary şäherinde 10 müň orunlyk «Sport toplumy» stadionynda geçirildi.