Abatlaýyş-mehaniki zawodyň önümçilik mümkinçilikleri
06:10 26.08.2020 7991
«Türkmennebit» DK-nyň «Nebitgazburawlaýyş» trestiniň Abatlaýyş-mehaniki zawody häzirki wagtda enjamlaryň ätiýaçlyk şaýlaryny taýýarlamak, abatlamak we dikeltmek boýunça işleriň giň toplumyny ýerine ýetirmäge mümkinçilik berýän döwrebap desgalar bilen enjamlaşdyrylandyr.
1951-nji ýylda döredilen kärhana bu günki gün yzygiderli döwrebaplaşdyrylyp durýan enjamlaryň 150 sany görnüşi bilen enjamlaşdyrylandyr. Bu ýerde önümleriň täze görnüşleri özleşdirilýär, taýýarlanylýan ätiýaçlyk şaýlaryň çydamlylygyny ýokarlandyrýan tehnologiýalar öwrenilýär we önümçilige ornaşdyrylýar, önümçilik-tehnologik binýat yzygiderli täzelenýär. Zawodda her aýda ýerine ýetirilýän abatlaýyş-mehaniki işleriň jemi bahasy 600 müň manada barabar bolýar.
Häzirki wagtda zawod göçme rigelleri, suwgyzdyryjy kotýollary, rotorlary, buraw sorujylaryny, gidrotormozlary we beýlekileri abatlamak işine ýöriteleşendir. Mehaniki sehde tehniki ätiýaçlyk şaýlary, nebitgaz enjamlarynyň dürli görnüşleri taýýarlanylýar. Tehniki-önümçilik bölümde ýokary hilli rezin önümlerini ýüzlerçe görnüşleri öndürilýär.
Hünärmenleriniň ýokary hünär taýýarlygy we enjamlarynyň kämil bolmagy konserniň ulanylan dürli görnüşli enjamlaryndan alnan materiallardan (alýumin, kauçuk, çoýun, metal we beýlekiler) zerur bolan detallary we ätiýaçlyk şaýlaryny öndürmäge mümkinçilik berýär. Munuň netijesinde taýýarlyk işleriniň möçberi ep-esli azaldylýar. Bu bolsa serişde tygşytlamaga we materiallar üçin çykdajylary azaltmaga mümkinçilik berýär.
Toplanan tejribe zawodyň işgärlerine iň çylşyrymly wezipeleri ýokary hilli we öz wagtynda çözmäge mümkinçilik berýär.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.