Täjigistan Türkmenistandan alýan suwuklandyrylan gazynyň importyny artdyrmagy meýilleşdirýär
09:11 05.02.2022 12849
Häzirki wagta çenli suwuklandyrylan gazy, esasan, Gazagystandan we Russiýadan import edip gelen Täjigistan onuň gerimini giňeltmek kararyna geldi diýip, Respublikanyň energetika we suw serişdeleri ministri Juma Daler metbugat maslahatynda aýtdy. Bu barada Interfaks habar berýär.
«Türkmenistan bilen suwuklandyrylan gazyň importy hakynda ylalaşyga gol çekildi. Resminama ýangyjyň bu görnüşiniň çäklendirilmedik möçberiniň importyny göz öňünde tutýar» - diýip, ministr belledi.
Onuň maglumatlaryna görä, 2021-nji ýylda Respublika suwuklandyrylan gazyň 410 müň tonnadan gowragy import edili, şonuň 361 müň tonnasy Gazagystanyň, 5 müň tonnasy Türkmenistanyň, galany bolsa Russiýanyň paýyna düşýär.
Onuň aýtmagyna görä, Türkmenistan bilen ylalaşyga ýylyň ahyrynda gol çekildi. Şonuň üçin hem hem şu ýylda Täjigistan bu ýurtdan has köp ýangyç almagy meýilleşdirýär.
Häzirki wagtda ýurtdaky awtomobilleriň 60%-e çenlisi suwuklandyrylan gaz bilen doldurylýar.
2021-nji ýylda Respublika Russiýadan, Gazagystandan, Özbegistandan we Türkmenistandan umumylykda 1 mln tonnadan gowrak nebit önümleri we suwuklandyrylan gaz getirildi. Şolardan, 242,4 müň tonnasy benzin, 345 müň tonnasy dizel ýangyjy, 410 müň tonnadan gowragy suwuklandyrylan gaz.
2021-nji ýylyň awgustynda Aşgabatda geçirilen Türkmenistanyň Prezidenti Gurbanguly Berdimuhamedowyň we Täjigistanyň Prezidenti Emomali Rahmonyň arasyndaky gepleşikleriň netijeleri boýunça resminamalaryň toplumynda suwuklandyrylan gazy we ýangyç-çalgy materiallaryny daşamak ulgamynda hyzmatdaşlyk hakynda ylalaşyk bar.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
Türkmenistanyň Prezidenti Eýranyň nebit ministri bilen nebitgaz ulgamynda hyzmatdaşlygy maslahatlaşdy
Türkmenistanyň Prezidenti Serdar Berdimuhamedow çarşenbe güni Eýran Yslam Respublikasynyň nebit ministri Jawad Owji bilen geçiren duşuşygynda nebitgaz ulgamynda döwletara hyzmatdaşlygynyň ileri tutulýan ugurlaryny maslahatlaşdy Bu barada TDH agentligi habar berýär.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Seýdiniň NGIZ ýylyň birinji ýarymynda nebitiň gaýtadan işlenilmegini 22% artdyrdy
Seýdiniň nebiti gaýtadan işleýän zawodynyň işgärleri 2025-nji ýylyň ilkinji alty aýynyň netijeleri boýunça geçen ýylyň degişli döwri bilen deňeşdirilende uly önümçilik üstünliklerine ýetdiler. Hususan-da, kärhanada 270 müň tonna nebit gaýtadan işlenip, bu görkeziji geçen ýylyň ýanwar-iýun aýlaryna garanyňda, 22% ýokary boldy diýip, ussatnews.com saýty habar berýär.