Demokratiýanyň milli nusgasy dabaralanýar
18:21 19.02.2022 13307
Ýurdumyzyň nebitgaz toplumynyň merkezi edara binasynda ,,Halk Maslahaty – demokratiýanyň milli nusgasy’’ atly maslahat geçirildi. Türkmenistanyň Ministrler Kabinetiniň Başlygynyň orunbasary Şahym Abdrahmanowyň baştutanlygynda geçirilen maslahata ,,Türkmengaz’’, ,,Türkmennebit’’ döwlet konsernleriniň, ,,Türkmengeologiýa’’ DK-nyň ýolbaşçylary we işgärler köpçüligi gatnaşdy. Maslahatyň dabaraly açylyşynda ilki bilen wise-premýer Ş. Abdrahmanow, soňra Döwlet ministri - ,,Türkmengaz’’ DK-nyň başlygy Batyr Amanow, ,,Türkmennebit’’ DK-nyň başlygy Güýçgeldi Baýgeldiýew, ,,Türkmengeologiýa’’ DK-nyň başlygy Merdan Rozyýew, Ýagşygeldi Kakaýew adyndaky Halkara nebit we gaz uniwersitetiniň kafedra müdiri, professor Nurýagdy Suwhanow, Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşiniň başlygy Sapar Ataberdiýew, Türkmenistanyň Milli Geňeşiniň Mejlisiniň Ylym, bilim, medeniýet we ýaşlar syýasaty baradaky komitetiniň başlygy, Mejlisiň deputaty Gahryman Rozyýew we beýlekiler çykyş etdi.
Garaşsyz ýurdumyzda şöhratly ata-babalarymyzyň wesýet eden halk häkimiýetliliginiň gadymdan gelýän milli ýörelgeleri mynasyp dowam etdirilýär. Hormatly Prezidentimiziň başlangyçlary boýunça amala aşyrylýan demokratik özgertmeler hil taýdan täze many-mazmuna eýe bolýar. Oňa ýakynda milli Liderimiziň baştutanlygynda ýokary derejede geçirilen Halk Maslahatynyň mejlisinde ata Watanymyzyň gülläp ösmegini üpjün etmek boýunça döwlet durmuşynyň möhüm meselelerine garalmagy hem doly şaýatlyk edýär.
Halk Maslahatynyň mejlisinde kabul edilen maksatnamalaryň durmuşa geçirilýän giň gerimli özgertmeleri, ýurdumyzda amala aşyrylýan iri taslamalary, beýik tutumlary amala aşyrmakda möhüm ähmiýete eýedigini bellemelidir. Hormatly Prezidentimiziň mejlisiň dowamynda «Berkarar döwletiň täze eýýamynyň Galkynyşy: Türkmenistany 2022 – 2052-nji ýyllarda durmuş-ykdysady taýdan ösdürmegiň Milli maksatnamasynyň» we beýleki resminamalaryň tassyklanylyp, degişli Karara gol çekmegi ösüşlere we özgerişlere beslenýän ýurdumyzyň agzybir halkynyň rowaç geljege bolan ynamyny has-da pugtalandyrdy.
Hormatly Prezidentimiz ýaşlar syýasatyna uly üns bermek bilen, ,,Men ýurdumyzy ösdürmegiň täze tapgyrynda döwlet dolandyryşynda häzirki zamanyň ruhy şertleri, ýokary talaplary esasynda kemala gelen ýaş ýolbaşçylara ýol bermegi makul bilýärin’’ diýip kesgitleýär. Munuň özi ýaşlara berilýän ýokary baha şaýatlyk edýär. Maslahatyň dowamynda şu we beýleki öňde goýlan möhüm wezipeler, nebitgaz toplumynda amala aşyrylan, alnyp barylýan, geljekde meýilleşdirilýän iri taslamalar barada çykyşlar diňlenildi.
Maslahatyň ahyrynda nebitgaz toplumynyň ähli işgärleriniň adyndan hormatly Prezidentimize Ýüzlenme kabul edildi.
Halk Maslahatynyň çözgütleri barada şeýle çäreler ähli welaýatlarymyzdaky we Aşgabat şäherindäki nebitgaz toplumynyň edara-kärhanalarynda hem geçirildi.
Türkmenistanyň Halk Maslahatynyň Başlygy we Monakonyň Şazadasy köpugurly hyzmatdaşlygyň geljegini maslahatlaşdylar
Türkmenistanyň Halk Maslahatynyň Başlygy Gurbanguly Berdimuhamedow Monako saparynyň dowamynda 20-nji ýanwarda Monako Knýazlygynyň Şazadasy Alber II bilen duşuşyk geçirdi. Onda dürli ugurlarda ikitaraplaýyn gatnaşyklaryň geljegi ara alnyp maslahatlaşyldy diýip, TDH habar berýär.
Türkmenistan Hindistanyň gurnan «Merkezi Aziýa ýurtlarynda işewürligiň mümkinçilikleri» forumyna gatnaşdy
Türkmenistan Hindistanyň DIM-niň goldaw bermeginde bu ýurduň Söwda-senagat edarasy tarapyndan gurnalan «Merkezi Aziýa ýurtlarynda işewürligiň mümkinçilikleri» forumyna gatnaşdy.
Wodorody öndürmegiň usullary we ulanmagyň mümkinçilikleri
Häzirki döwürde dünýä möçberinde wodorody almagyň 85 göterim möçberi metanyň suw bugy bilen konwersiýa tehnologiýasy, 10 göterimi nebit, kömür we bary-ýogy 5 göterimi elektroliz usul bilen suwdan alynýar.
Iş maslahaty geçirildi
«Türkmengaz» döwlet konserniniň merkezi edarasy tarapyndan garamagyndaky edara-kärhanalaryň işgärler bölümleriniň amala aşyrýan işleriniň hilini ýokarlandyrmak, olaryň iş tejribesini artdyrmak hem-de degişliligi boýunça wezipeleriniň talabalaýyk ýerine ýetirilmegini gazanmak maksady bilen, Ylmy-barlag tebigy gaz institutynyň binasynda «Halypaçylygyň ösüşine höwes döretmegiň usullary» atly iş maslahaty geçirildi.
Ýewropada gazyň bahasy 1 müň kub metri üçin 1550 dollara bardy
Energiýanyň dikeldilýän çeşmeleriniň gowşak goşandy, bäsdeşlik edýän bazarlarda bahalaryň ýokarlanmagy we sebitde öň çaklanylyşyndan has sowuk howa garaşylmagy netijesinde Ýewropada gazyň spotlaýyn bahasy çarşenbe güni, 15-nji dekabrda söwdalaryň açylmagy bilen ýokarlanmagyny dowam etdi diýip, Interfaks belleýär.