Türkmenistan we Azerbaýjan Russiýanyň nebitgaz kompaniýalary üçin «penjire» bolup biler — Alekperow
22:48 04.11.2022 2679
Russiýanyň nebitgaz kompaniýalary Azerbaýjanda we Türkmenistanda ösmek üçin mümkinçilik alyp bilerler. Bu barada Abu-Dabide (ADIPEC) Nebitgaz pudagy boýunça Halkara serginiň we maslahatynyň çäklerinde Russiýanyň Senagatçylar we telekeçiler birleşiginiň müdirliginiň agzasy Wagit Alekperow žurnalistlere habar berdi. Bu barada Orient ýazýar.
«Bu günki gün biziň üçin dostlukly ýurtlaryň ählisi, şol sanda Azerbaýjan we Türkmenistan öwrenilýär, çünki bu biziň üçin «penjire» bolar» diýip, Alekperow belledi we gürrüňiň, ilkinji nobatda, deňiz gözleg bloklary barada barýandygyny belledi.
Öň, W.Alekperowyň ýolbaşçylyk edýän «Lukoýl» rus nebitgaz kompaniýasy Hazar deňzindäki «Dostluk» bilelikdäki azerbaýjan-türkmen gaz taslamasynyň operatory bolmak meýli barada beýan etdi. 2021-nji ýylyň ýanwarynda «Dostluk» käniniň uglewodorod serişdelerini bilelikde gözlemek we işläp taýýarlamak hakynda Azerbaýjan bilen Türkmenistanyň arasynda Özara düşünişmek hakynda Ähtnama gol çekildi. Resminama käniň uglewodorod serişdeleriniň taraplaryň arasynda Azerbaýjan 30% we Türkmenistana 70% paýlanyp berilmegini göz öňünde tutýar.
Serdar Berdimuhamedow «Merkezi Aziýa – Russiýa» Sammitine we GDA-nyň Döwlet Baştutanlarynyň Geňeşine gatnaşmak üçin Gazagystana bardy
Türkmenistanyň Prezidenti Serdar Berdimuhamedow GDA döwlet Baştutanlarynyň geňeşiniň nobatdaky mejlisine hem-de «Merkezi Aziýa – Russiýa» Sammitine gatnaşmak üçin we döwlet sapary bilen Gazagystan Respublikasyna bardy. Şenbe güni Türkmenistanyň Baştutanynyň Gazagystan Respublikasyna döwlet saparynyň maksatnamasy başlanar diýip, Türkmenistanyň Döwlet habarlar agentligi habar berýär.
15-nji «Merkezi Aziýa – Koreýa Respublikasy» hyzmatdaşlyk Forumyna taýýarlyk maslahatlaşyldy
Çarşenbe güni Merkezi Aziýanyň we Koreýa Respublikasynyň daşary syýasat edaralarynyň ýolbaşçylarynyň orunbasarlarynyň derejesinde geçirilen wideoaragatnaşyk görnüşindäki duşuşykda 15-nji «Merkezi Aziýa–Koreýa Respublikasy» hyzmatdaşlyk Forumyna (MA-KR) taýýarlyk görmek meseleleri maslahatlaşyldy. Bu barada Türkmenistanyň DIM-niň saýty habar berýär.
Türkiýe Türkmenistanyň tebigy gazynyň Ýewropa üstaşyr geçirilmegini üpjün etmäge taýýar
Berlinde geçirilýän IV Türk-german energetika forumynyň dowamynda Türkiýäniň energetika we tebigy serişdeler ministri Fatih Dönmez Türkiýäniň türkmen tebigy gazyny ýewropa bazarlaryna üstaşyr geçirmäge taýýardygyny we munuň üçin mümkin bolan ähli zatlary etjekdigini beýan etdi. Bu barada Anadolu agentligi habar berýär.
TNGIZT-niň nebit önümlerini eksport we marketing müdirligi işini bes etdi
«Türkmennebit» döwlet konserniniň Türkmenbaşynyň nebiti gaýtadan işleýän zawodlar toplumynyň nebit önümlerini eksport we marketing müdirligi işini bes etdi. Bu barada «Нейтральный Туркменистан» gazetiniň sahypalarynda habar berildi.
Türkmenistanyň DIM-niň ýolbaşçysy we Singapuryň premýer-ministriniň kanselýariýasynyň ministri özara gatnaşyk meselelerini maslahatlaşdylar
Türkmenistanyň Daşary işler Ministri Raşid Meredowyň Singapuryň Premýer-ministriniň edarasynyň Ministri Mohamad Maliki bin Osmanyň ýolbaşçylygyndaky wekiliýet bilen duşuşygynyň barşynda halkara we ikitaraplaýyn hyzmatdaşlygyň ileri tutulýan meseleleri maslahatlaşyldy diýip, türkmen DIM-niň saýty habar berýär.